ബംഗളുരു: ബംഗളുരുവിലെ മൂന്ന് ആഢംബര ഹോട്ടലുകള്‍ക്ക് ബോംബ് ഭീഷണി. വ്യാഴാഴ്ച്ച പുലര്‍ച്ചെ രണ്ടിന് ഇ മെയില്‍ വഴിയാണ് ബോംബ് ഭീഷണി സന്ദേശം ലഭിച്ചത്. പരിശോധനയില്‍ ഇതുവരെയും ഒന്നും കണ്ടെത്താന്‍ കഴിഞ്ഞിട്ടില്ലെന്നും അതൊരു വ്യാജ ഭീഷണി സന്ദേശമാണെന്നുമാണ് പോലീസിന്റെ നിഗമനം.
പോലീസും ബോംബ് സ്‌ക്വാഡും ബംഗളുരു ഇലക്ട്രോണിക് സിറ്റിയിലെ ഒട്ടേര ഹോട്ടലില്‍ പരിശോധന നടത്തുകയാണ്. മെയില്‍ ശ്രദ്ധയില്‍പ്പെട്ടയുടന്‍ സ്റ്റാഫ് പോലീസിനെ അറിയിക്കുകയായിരുന്നു.
അതേസമയം, ഡല്‍ഹിയില്‍ കേന്ദ്ര ആഭ്യന്തര മന്ത്രാലയം ഉള്‍പ്പെടെ പ്രവര്‍ത്തിക്കുന്ന ഡല്‍ഹി നോര്‍ത്ത് ബ്ലോക്കിലും ഭീഷണിയുണ്ടായി. നോര്‍ത്ത് ബ്ലോക്കിലെ പോലീസ് കണ്‍ട്രോള്‍ റൂമില്‍ ഇ മെയില്‍ വഴിയാണ് ഭീഷണി സന്ദേശമെത്തിയത്. അഗ്നിശമന വിഭാഗവും ബോംബ് സ്‌ക്വാഡും സ്ഥലത്ത് പരിശോധന നടത്തി. പരിശോധനയില്‍ ഒന്നും കണ്ടെത്താന്‍ കഴിഞ്ഞില്ല.
ബംഗളുരുവിലെ മൂന്ന് ആഢംബര ഹോട്ടലുകള്‍ക്ക് ബോംബ് ഭീഷണി, പരിശോധന; വ്യാജ ഭീഷണി സന്ദേശമെന്ന് നിഗമനം
Byadmin
May 23, 2024