ചാലക്കുടി: മരുമകളെ പീഡിപ്പിച്ച ഭര്‍തൃപിതാവിന് 15 വര്‍ഷം കഠിനതടവ് വിധിച്ച് കോടതി. മാള സ്വദേശിയായ 70കാരനെയാണ് 15 വര്‍ഷം കഠിനതടവും 3.60 ലക്ഷം രൂപ കോടതി ശിക്ഷ വിധിച്ചത്. പിഴ അടച്ചില്ലെങ്കില്‍ ഒരു വര്‍ഷവും ഒമ്പത് മാസവും അധികതടവ് അനുഭവിക്കാനും പിഴത്തുക അതിജീവിതയ്ക്ക് നല്‍കാനും കോടതി നിര്‍ദേശിച്ചു.
2019ലാണ് സംഭവം. വീട്ടില്‍ ആരുമില്ലാത്ത സമയത്ത് പ്രതി മരുമകളെ ഭീഷണിപ്പെടുത്തി ബലാത്സംഗം ചെയ്യുകയും പല തവണ അപമര്യാദയായി പെരുമാറുകയുമായിരുന്നു.
സര്‍ക്കിള്‍ ഇന്‍സ്പെക്ടര്‍ പി.എം. ബൈജു, സര്‍ക്കിള്‍ ഇന്‍സ്പെക്ടര്‍ സജിന്‍ ശശി എന്നിവരാണ് കേസ് അന്വേഷിച്ചത്. പ്രോസിക്യൂഷന് വേണ്ടി സ്‌പെഷല്‍ പബ്ലിക് പ്രോസിക്യൂട്ടര്‍ ടി. ബാബുരാജ് ഹാജരായി.
മരുമകളെ ഭീഷണിപ്പെടുത്തി ബലാത്സംഗം, നിരന്തരം ശല്യം; ഭര്‍തൃപിതാവിന് 15 വര്‍ഷം കഠിനതടവും 3.60 ലക്ഷം പിഴയും
Byadmin
Sep 25, 2023