തിരുവനന്തപുരം തുമ്പ കരിമണലില്‍ മൊബൈല്‍ ഫോണ്‍ തിരിച്ച് നല്‍കാന്‍ യുവാവിനെ കൊണ്ട് കാലു പിടിക്കുകയും ഷൂസില്‍ ഉമ്മ വെയ്പ്പിക്കുകയും ചെയ്ത സംഭവത്തില്‍ മൂന്നുപേരെ തുമ്പ പോലീസ് കസ്റ്റഡിയില്‍ എടുത്തു. എന്നാല്‍ ഇവര്‍ക്ക് സംഭവത്തില്‍ പങ്കുണ്ടോ എന്ന് വ്യക്തമല്ല. ഇവരെ പോലീസ് കൂടുതല്‍ ചോദ്യം ചെയ്തു വരികയാണ്.
also read: വിധവമാരുടെ സാന്നിധ്യം അശുഭകരം എന്നത് പുരുഷന്റെ സൗകര്യത്തിന് വേണ്ടിയുണ്ടാക്കിയ സിദ്ധാന്തം; പൊളിച്ചെഴുതി മദ്രാസ് ഹൈക്കോടതി
സംഭവത്തില്‍ ഗുണ്ടാ നേതാവ് ഡാനിയും സംഘത്തിനുമെതിരെ തുമ്പ പൊലീസ് കേസെടുത്തിരുന്നു. എസ് സി എസ് റ്റി അതിക്രമ നിരോധ നിയമപ്രകാരമാണ് കേസ്. എന്നാല്‍ അതിക്രമത്തിനിരയായ യുവാവ് പൊലീസില്‍ രാതി നല്‍കിയിരുന്നില്ല. ദൃശ്യങ്ങള്‍ സമൂഹമാധ്യമങ്ങളില്‍ പ്രചരിച്ചതോടെയാണ്, പൊലീസ് യുവാവിനെ കണ്ടെത്തിയതും കേസടുത്തതും തുടര്‍ നടപടികള്‍ ആരംഭിച്ചതും. സംഭവത്തില്‍ ഇപ്പോഴും ദുരൂഹതയുണ്ടെന്നാണ് പോലീസ് പറയുന്നത്.
