രാവിലെ എഴുന്നേല്‍ക്കുന്നത് മുതല്‍ ഒന്നും ചെയ്യാന്‍ തോന്നാത്ത വിധം ക്ഷീണം ആണെങ്കില്‍, അതിനെ നിസാരമായി കാണരുത്. പല കാരണങ്ങള്‍ കൊണ്ടും ക്ഷീണം ഉണ്ടാകാം. രാത്രി നന്നായി ഭക്ഷണം കഴിക്കാത്തതു കൊണ്ടോ ഭക്ഷണത്തിലൂടെ കൃത്യമായ ഊര്‍ജം ലഭിക്കാത്തതു കൊണ്ടോ ക്ഷീണം തോന്നാം. ചില രോഗങ്ങളുടെ പൊതുവായ ലക്ഷണമായും ക്ഷീണം തോന്നാം. ക്ഷീണം തോന്നുന്നതിന്‍റെ കാരണം കണ്ടെത്തി പരിഹാരം തേടേണ്ടത് പ്രധാനമാണ്.
രാത്രി ഉറക്കം ശരിയാകാത്തതു കൊണ്ട് ക്ഷീണം തോന്നാം. ഉറക്കം മനുഷ്യന് അനുവാര്യമായ കാര്യമാണ്. അതിനാല്‍ രാത്രി കുറഞ്ഞത് ഏഴ്- എട്ട് മണിക്കൂര്‍ എങ്കിലും ഉറങ്ങാന്‍ ശ്രമിക്കുക. ഭക്ഷണത്തിലൂടെ കൃത്യമായ ഊര്‍ജവും പോഷകങ്ങളും ലഭിക്കാത്തതു കൊണ്ടും ക്ഷീണം തോന്നാം. അതിനാല്‍ വിറ്റാമിന്‍ ബി12, വിറ്റാമിന്‍ ഡി തുടങ്ങിയവ അടങ്ങിയ ഭക്ഷണങ്ങള്‍ ഡയറ്റില്‍ ഉള്‍പ്പെടുത്താന്‍ ശ്രമിക്കുക. വിളര്‍ച്ച് അഥവാ അനീമിയ മൂലവും ക്ഷീണവും തളര്‍ച്ചയും തോന്നാം. അതിനാല്‍ അയേണ്‍ അഥവാ ഇരുമ്പ് അടങ്ങിയ ഭക്ഷണങ്ങള്‍ ഡയറ്റില്‍ ഉള്‍പ്പെടുത്തുക.
ഉറങ്ങുമ്പോൾ ശ്വസന പ്രശ്നങ്ങള്‍ ഉണ്ടാകുന് അവസ്ഥയാണ് സ്ലീപ് അപ്നിയ. ഇത് മൂലവും ക്ഷീണം തോന്നാം. സ്ട്രെസ് അഥവാ മാനസിക സമ്മര്‍ദ്ദം, വിഷാദം തുടങ്ങിയവ മൂലവും ക്ഷീണം അനുഭവപ്പെടാം. അതിനാല്‍ സ്ട്രെസ് കുറയ്ക്കാനുള്ള കാര്യങ്ങള്‍ ചെയ്യുക. ചില രോഗങ്ങളുടെ ഭാഗമായും ക്ഷീണം വരാം. അതിനാല്‍ ലക്ഷണങ്ങള്‍ നിസാരമാക്കാതെ ഒരു ഡോക്ടറെ കാണുക.
തൈറോയ്ഡ് ഹോർമോണുകളുടെ വ്യത്യാസം മൂലവും അമിത ക്ഷീണം അനുഭവപ്പെടാം. ചില മരുന്നുകളുടെ ഉപയോഗം മൂലവും ക്ഷീണം തോന്നാം. ആവശ്യത്തിന് വെള്ളം കുടിച്ചില്ലെങ്കിലും ക്ഷീണം തോന്നാം. അതിനാല്‍ ദിവസവും കുറഞ്ഞത് എട്ട് ഗ്ലാസ് വെള്ളം എങ്കിലും കുടിക്കണം. സംസ്കരിച്ച ഭക്ഷണങ്ങള്‍, പഞ്ചസാര ധാരാളം അടങ്ങിയ ഭക്ഷണങ്ങള്‍, കഫൈനിന്‍റെ അമിത ഉപയോഗം തുടങ്ങിയവയൊക്കെ കൊണ്ടും ക്ഷീണം തോന്നാം. വ്യായാമക്കുറവ് മൂലവും ചിലരില്‍ ക്ഷീണം തോന്നാം. അതിനാല്‍ ദിവസവും വ്യായാമം ചെയ്യുക.
ക്ഷീണത്തിന് പിന്നിലെ കാരണങ്ങള്‍ എന്തൊക്കെയാണെന്ന് നോക്കാം…
Byadmin
Mar 16, 2024