ഡിണ്ടിഗല്‍: ഗുണകേവിലെ നിരോധിത മേഖലയില്‍ ഇറങ്ങിയ മൂന്നു യുവാക്കള്‍ പിടിയില്‍. റാണിപേട്ട് സ്വദേശികളായ എസ്. വിജയ് (24), പി. ഭരത് (24), പി. രഞ്ജിത് കുമാര്‍ (24) എന്നിവരാണ് അറസ്റ്റിലായത്. കേവിന്റെ നിരോധിത മേഖലയിലാണ് യുവാക്കള്‍ ഇറങ്ങിയത്. വിവരമറിഞ്ഞ വനംവകുപ്പ് ഉദ്യോഗസ്ഥര്‍ എത്തി മൂന്നു പേരെയും അറസ്റ്റ് ചെയ്യുകയായിരുന്നു.
തമിഴ്‌നാട്ടിലും ‘മഞ്ഞുമ്മല്‍ ബോയ്‌സ്’ സിനിമ തരംഗമായതോടെ കൊടൈക്കനാലിലേക്കും ഗുണ കേവിലേക്കും സഞ്ചാരികളുടെ കുത്തൊഴുക്കാണ്. ഒരാഴ്ചയ്ക്കുള്ളില്‍ 40,000 വിനോദ സഞ്ചാരികളാണ് ഇവിടേക്ക് എത്തിയതെന്നാണ് കണക്ക്. സഞ്ചാരികളുടെ എണ്ണത്തില്‍ വന്‍ വര്‍ധനവാണ് രേഖപ്പെടുത്തിയതെന്ന് വനം വകുപ്പ് ഉദ്യോഗസ്ഥനായ ആര്‍. സെന്തില്‍ ഒരു ദേശീയമാധ്യമത്തോട് പറഞ്ഞു. ഫെബ്രുവരിയില്‍ മാത്രം ഒരു ലക്ഷം പേരാണ് ഗുണകേവിലേക്ക് എത്തിയത്. സിനിമയുടെ വിജയം പരോക്ഷമായി ജില്ലാ ഭരണകൂത്തിന്റേയും വനംവകുപ്പിന്റെയും പ്രദേശവാസികളുടേയും വരുമാനം വര്‍ധിപ്പിക്കുകയാണെന്നും സെന്തില്‍ പറഞ്ഞു.
മഞ്ഞുമ്മല്‍ ബോയ്‌സ് കണ്ട് ആവേശം മൂത്ത് ഗുണകേവിലെ നിരോധിത മേഖലയില്‍ ഇറങ്ങിയ മൂന്നു യുവാക്കള്‍ പിടിയില്‍
Byadmin
Mar 12, 2024