മലപ്പുറം: മൂന്നര കിലോ മീറ്റര്‍ ദൂരം യാത്രയ്ക്ക് 120 രൂപ ചാര്‍ജ് ഈടാക്കിയെന്ന യാത്രക്കാരന്റെ പരാതിയില്‍ പിഴയിട്ട് പോലീസ്. അങ്ങാടിപ്പുറത്തെ ഓട്ടോറിക്ഷാക്കാരനെതിരെയാണ് നടപടിയെടുത്തത്.
അമിത നിരക്ക് ഈടാക്കിയതിനെതിരേ നിലമ്പൂര്‍ സ്വദേശി മങ്ങാട്ടുതൊടി സുരേഷാണ് പെരിന്തല്‍മണ്ണ പോലീസില്‍ പരാതി നല്‍കിയത്. അങ്ങാടിപ്പുറം റെയില്‍വേ സ്റ്റേഷനില്‍ നിന്ന് പെരിന്തല്‍മണ്ണയിലേക്ക് ഓട്ടോറിക്ഷയ്ക്ക് കൂടുതല്‍ നിരക്ക് ഈടാക്കുകയായിരുന്നു.
മൂന്നര കിലോ മീറ്റര്‍ സര്‍വീസിന് നിര്‍ണയിക്കപ്പെട്ട ചാര്‍ജ് 86 രൂപയാണെന്നും 90 രൂപ വരെ യാത്രക്കാര്‍ നല്‍കാറുണ്ടെന്നും ഈ സ്ഥാനത്ത് 120 രൂപ ചോദിച്ചു വാങ്ങുകയാണെന്നും കാണിച്ചാണ് പരാതി നല്‍കിയത്.
എന്നാല്‍, പെരിന്തല്‍മണ്ണ പോലീസ് സ്റ്റേഷന്‍ പരിസരത്ത് നിന്നും അങ്ങാടിപ്പുറം റെയില്‍വേ സ്റ്റേഷനിലേക്ക് 75 രൂപയാണ് പെരിന്തല്‍മണ്ണയിലെ ഓട്ടോക്കാരന്‍ വാങ്ങിയതെന്നും സുരേഷ് പറഞ്ഞു. റെയില്‍വേ സ്റ്റേഷനില്‍ നിന്നുള്ള ഓട്ടോ സര്‍വീസിന് അമിത ചാര്‍ജ് ഈടാക്കുന്നതായി കാണിച്ച് ഗതാഗത വകുപ്പിനും മന്ത്രിക്കും സുരേഷ് പരാതി നല്‍കി.
മൂന്നര കിലോ മീറ്റര്‍ ദൂരം യാത്രയ്ക്ക് 120 രൂപ ചാര്‍ജ് ഈടാക്കി; ഓട്ടോറിക്ഷാക്കാരന് പിഴയിട്ട് പോലീസ്
Byadmin
Feb 14, 2024