കോട്ടയ്ക്കല്‍: സ്വകാര്യ വ്യക്തിയുടെ വീട്ടുവളപ്പിലെ ആള്‍മറയില്ലാത്ത കിണറ്റില്‍ അഞ്ജാത മൃതദേഹം കണ്ടെത്തി. മുപ്പത് വയസ് പ്രായം തോന്നിക്കുന്ന മൃതദേഹം ഇതര സംസ്ഥാന തൊഴിലാളിയുടേതെന്നാണ് നിഗമനം.
ഒതുക്കുങ്ങല്‍ പഞ്ചായത്തില്‍ ഉള്‍പ്പെട്ട പാലപ്പുറയിലാണ് സംഭവം. ദുര്‍ഗന്ധം വമിച്ചതിനെത്തുടര്‍ന്ന് നടത്തിയ പരിശോധനയിലാണ് മൃതദേഹം കാണുന്നത്. കോട്ടയ്ക്കല്‍ പോലീസ് ഇന്‍ക്വസ്റ്റ് പൂര്‍ത്തിയാക്കി മൃതദേഹം മഞ്ചേരി മെഡിക്കല്‍ കോളജ് ആശുപത്രിയിലേക്ക് മാറ്റി.
