ഇത് ഏറെ മധുരമുള്ള വിജയം; ഡൗൺസ് സിൻഡ്രോമുള്ള ആദ്യ സ്പെയിൻ പാർലമെൻ് അംഗമായി മാർ ഗൽസെറാൻ

 ഡൗൺസ് സിൻഡ്രോമുള്ള ആദ്യ സ്പെയിൻ  പാർലമെൻ് അംഗമാണ്  മാർ ഗൽസെറാൻ. 18 വയസ്സുള്ളപ്പോളാണ്   മാർ ഗൽസെറാൻ കൺസർവേറ്റീവ് പീപ്പിൾസ് പാർട്ടിയുടെ ഭാഗമാകുന്നത്. വർഷങ്ങളിക്കിപ്പുറം വലൻസിയയിലെ പ്രാദേശിക തെരഞ്ഞെടുപ്പുകളിൽ പിപി മത്സരിപ്പിക്കുന്ന സ്ഥാനാർത്ഥികളുടെ പട്ടികയിൽ 20-ാമത്തെ പേരായി ഗൽസെറാൻ ഇടപിടിച്ചു. പിന്നീട് പ്രാദേശിക പാർലമെന്റിൽ സീറ്റ് ലഭിച്ചുവെന്ന വാർത്തയാണ് വന്നത്. 
 വൈകല്യമുള്ളവരുടെ ആവശ്യങ്ങൾക്കായും, അവരുടെ ശബ്ദം സാധാരണക്കരുടേതെന്ന പോലെ കേൾക്കാനുള്ള അവസരത്തിനായും ദശാബ്ദങ്ങളായി  പോരാടുകയായിരുന്നു 45കാരിയായ മാർ ഗൽസെറാൻ . “ഇങ്ങനെ ഇതുവരെ ഉണ്ടായിട്ടുള്ളതല്ല, ഡൗൺസ് സിൻഡ്രോം ഉള്ള ആളുകൾക്ക് ഒരുപാട് സംഭാവന ചെയ്യാനുണ്ടെന്ന് സമൂഹം കാണാൻ തുടങ്ങിയിരിക്കുന്നു. എന്നാൽ ഇനിയും പോകാൻ ഒരുപാടു ദൂരമുണ്ട് ” ഗൽസെറാൻ ഗാർഡിയന് നൽകിയ അഭിമുഖത്തിൽ പറഞ്ഞത് ഇങ്ങനെയാണ് .
നിലവിലെ സ്പെയിൻപാർലമെൻ് അംഗമായിമാറിയിരിക്കുന്ന മാർ തന്റെ ലക്ഷ്യങ്ങളുടെ പടവുകൾ ഇപ്പോഴും കയറിക്കൊണ്ടിരിക്കുയാണ്.