പെരുമ്പിലാവ്: കൂട്ടിയെഴുന്നള്ളിപ്പിനിടെ ആന ഇടഞ്ഞു. നന്തിലത്ത് ഗോപാലകൃഷ്ണന്‍ എന്നുപേരുള്ള ആനയാണ് ഇടഞ്ഞത്. പരുവക്കുന്ന് ഫെസ്റ്റില്‍ രണ്ട് ക്ലബ്ബുകള്‍ തമ്മിലുള്ള തര്‍ക്കത്തിനിടെ ആന ഇടയുകയായിരുന്നു. സംഘര്‍ഷത്തെത്തുടര്‍ന്ന് പൊലീസ് ലാത്തി വീശി.
സംഘര്‍ഷത്തില്‍ പെരുമ്പിലാവ് ചേലില്‍ വീട്ടില്‍ നിസാമുദ്ദീന്‍ (21), അക്കിക്കാവ് കോട്ടമേല്‍ വീട്ടില്‍ പ്രഫുല്‍ദേവ് (28), ആക്കിക്കാവ് മുന്നോടി പറമ്പില്‍ വീട്ടില്‍ റാഷിദ് (20) എന്നിവര്‍ക്ക് പരിക്കേറ്റു. ആരുടെയും പരിക്ക് ഗുരുതരമല്ല. ആനയുടെ മുന്നില്‍ നില്‍ക്കുന്നതിനെച്ചൊല്ലിയുണ്ടായ സംഘര്‍ഷത്തിനിടെയാണ് ആന ഇടഞ്ഞത്.
ആനയുടെ മുന്നില്‍ നില്‍ക്കുന്നതിനെച്ചൊല്ലി രണ്ട് ക്ലബ്ബുകള്‍ തമ്മില്‍ തര്‍ക്കം; കൂട്ടിയെഴുന്നള്ളിപ്പിനിടെ ആനയിടഞ്ഞു
Byadmin
Jan 14, 2024