തിരുവനന്തപുരം: ഈ വർഷത്തെ പ്ലസ് വൺ അലോട്ട്‌മെന്റിന്റെ ആദ്യ ഘട്ടം പൂർത്തിയായപ്പോൾ സ്ഥിരപ്രവേശനം നേടിയത് 1,21,049 പേർ. 94721 പേർ താത്കാലിക അഡ്മിഷൻ നേടി. 2,41,104 പേർക്കാണ് മെരിറ്റ് ക്വാട്ടയിൽ പ്രവേശനം ലഭിച്ചത്.
മെരിറ്റ് ക്വാട്ടയിലെ 23,740 സീറ്റുകളിൽ 26ന് നടക്കുന്ന രണ്ടാം ഘട്ടത്തിൽ പ്രവേശനം നടക്കും. അപേക്ഷകളിലെ ചെറിയ തിരുത്തലുകൾ കാരണമോ വെയിറ്റേജ്, ബോണസ് പോയിന്റ് പ്രശ്നങ്ങൾ കൊണ്ടോ നിരസിക്കപ്പെട്ട അപേക്ഷകളും മെരിറ്റ് സീറ്റ് ഒഴിഞ്ഞു കിടക്കാൻ കാരണമാണ്.
ജൂലായ് ഒന്നിനാണ് മൂന്നാം അലോട്ട്മെന്റ്. സ്‌പോർട്സ് ക്വാട്ടയിലും അനുവദിക്കപ്പെട്ട 4827 സീറ്റുകളിൽ 1051 സീറ്റുകളും ഒഴിഞ്ഞു കിടക്കുകയാണ്.