നാളെ എറണാകുളം- ​ഹസ്രത്ത് നിസാമുദ്ദീൻ എക്സ്പ്രസ് ഓടില്ല; കേരളത്തിലൂടെ ഓടുന്ന 10 ട്രെയിനുകൾ റദ്ദാക്കി

കൊച്ചി: കേരളത്തിലൂടെ ഓടുന്ന 10 ട്രെയിനുകൾ റദ്ദാക്കി. നാളത്തെ എറണാകുളം- ​ഹസ്രത്ത് നിസാമുദ്ദീൻ എക്സ്പ്രസ് റദ്ദാക്കി.
ജനുവരി ഒന്നിലെ ബറൗണി- എറണാകുളം രപ്തി സാ​ഗർ, ജനുവരി അഞ്ചിനുള്ള എറണാകുളം- ബറൗണി രപ്തി സാ​ഗർ എക്സ്പ്രസുകളും റദ്ദാക്കിയിട്ടുണ്ട്. ട്രാക്കിലെ അറ്റകുറ്റപ്പണികളെ തുടർന്നാണ് ട്രെയിനുകൾ റദ്ദാക്കിയത്. 
ജനുവരി ഒന്നിനുള്ള കൊച്ചുവേളി- കോർബ, ജനുവരി മൂന്നിനുള്ള കോർബ- കൊച്ചുവേളി എക്സ്പ്രസ്, ജനുവരി 2,3,7,9,10 തീയിതികളിലെ കൊച്ചുവേളി- ​​ഗോരഖ്പുർ, ജനുവരി 4,5,7,11,12 തീയതികളിലെ ​ഗോരഖ്പുർ- കൊച്ചുവേളി എക്സ്പ്രസുകളും റദ്ദാക്കിയവയിലുണ്ട്. 
ജനുവരി 2, 9 തീയതികളിലെ ബിലാസ്പൂർ- തിരുനെൽവേലി എക്സ്പ്രസ്, ഡിസംബർ 31, ജനുവരി 7 തീയതികളിലെ തിരുനെൽവേലി – ബിലാസ്പൂ‍ർ എക്സ്പ്രസും റദ്ദാക്കി.