കുവൈറ്റ് : കെഫാക് ഇന്നൊവേറ്റീവ് മാസ്റ്റേഴ്സ് – സോക്കർ ലീഗ് സീസൺ 23-24 മത്സരങ്ങൾ പുരോഗമിക്കുമ്പോൾ ഗ്രൂപ്പ്‌ എ യിലെ സോക്കർ ലീഗ് മത്സരങ്ങളിൽ സെഗുറോ കേരളാ ചലഞ്ചേഴ്സ്, ചാമ്പ്യൻസ് എഫ് സി, സ്പാർക്സ് എഫ് സി ടീമുകൾ വിജയിച്ചപ്പോൾ മാക് കുവൈറ്റ് – ഇന്നൊവേറ്റീവ് എഫ് സി ടീമുകൾ തമ്മിലുള്ള മത്സരം സമനിലയിൽ അവസാനിച്ചു
മാസ്റ്റേഴ്സ് ലീഗിൽ സ്പാർക്സ് എഫ് സി, സി എഫ് സി സാൽമിയ, റൗദ എഫ് സി, ഇന്നോവേറ്റിവ് എഫ് സി ,ബ്ലാസ്‌റ്റേഴ്‌സ് എഫ് സി, ടീമുകൾ വിജയിച്ചപ്പോൾ മാക് കുവൈറ്റ് – സോക്കർ കേരളാ മത്സരം സമനിലയിൽ അവസാനിച്ചു.
മാസ്റ്റേഴ്സ് ലീഗിൽ ആദ്യ മത്സരത്തിൽ ബ്ലാസ്‌റ്റേഴ്‌സ് കുവൈറ്റ് ഒന്നിനെതിരെ മൂന്ന് ഗോളുകൾക്ക് ഫഹാഹീൽ ബ്രദേഴ്സിനെ പരാജയപ്പെടുത്തി. ബ്ലാസ്റ്റേഴ്സിന് വേണ്ടി അഭിഷേക്, നിസാർ ,ഇർഷാദുൽ ഗോളുകൾ നേടിയപ്പോൾ ഫഹാഹീലിനു വേണ്ടി സർഫറാസ് ഒരു നേടി.
രണ്ടാം മത്സരത്തിൽ സാദിഖ് നേടിയ ഗോളിൽ സ്പാർക്സ് എഫ് സി എതിരില്ലാത്ത ഒരു ഗോളിന് മെറിറ്റ് അൽശബാബ്‌ എഫ് സിയെ പരാജയപ്പെടുത്തി.
മൂന്നാം മത്സരത്തിൽ മാക് കുവൈറ്റും -സോക്കർ കേരളയും ഗോൾ രഹിത സമനിലയിൽ പിരിഞ്ഞു.
നാലാം മത്സരത്തിൽ ഇന്നോവേറ്റിവ് എഫ് സി ഏകപക്ഷീയമായ രണ്ട് ഗോളുകൾക്ക് ചാമ്പ്യൻസ് എഫ് സിയെ പരാജയപ്പെടുത്തി. മണി , ജാഫർ എന്നിവർ ഓരോ ഗോൾ നേടി.
അഞ്ചാം മത്സരത്തിൽ ബൈജു നേടിയ ഒരു ഗോളിൽ സി എഫ് സി സാൽമിയ ബിഗ്‌ബോയ്‌സിനെ പരാജയപ്പെടുത്തി.
ആറാം മത്സരത്തിൽ റൗദ എഫ് സി ഏകപക്ഷീയമായ രണ്ട് ഗോളുകൾക്ക് ഫ്ളൈറ്റേഴ്‌സ് എഫ് സിയെ പരാജയപ്പെടുത്തി സിദ്ദിഖ്, സന്തോഷ് എന്നിവരാണ് ഗോളുകൾ നേടിയത്. മത്സരങ്ങൾ വീക്ഷിക്കാൻ സീസൻ സിലുവായ് പിള്ളൈ (മുൻ സന്തോഷ് ട്രോഫി കേരളാ ടീം ക്യാപ്റ്റൻ)മുഖ്യ അതിഥി ആയിരുന്നു.
സോക്കർ ലീഗിലെ ആദ്യ മത്സരത്തിൽ കേരളാ ചലഞ്ചേഴ്സ് എതിരില്ലാത്ത ആറ് ഗോളുകൾക്ക് ഫഹാഹീൽ ബ്രദേഴ്സിനെ പരാജയപ്പെടുത്തി. ഗോഡ്‍ലി രണ്ടും ഇർഷാദ്, ജോസ്, സിബിൻ, സഹായിസ് എന്നിവർ ഓരോ ഗോളുകൾ നേടി രണ്ടാം മത്സരത്തിൽ ഇന്നോവേറ്റീവ് എഫ് സി -മാക് കുവൈറ്റ് ടീമുകൾ ഓരോ ഗോളുകൾ അടിച്ചു സമനിലയിൽ പിരിഞ്ഞു. മാക് കുവൈറ്റിന് വേണ്ടി രാഹുലും ഇന്നോവേറ്റിവ് എഫ് സിക്ക് വേണ്ടി ഹരിയും ഗോളുകൾ നേടി. മൂന്നാം മത്സരത്തിൽ ഒന്നിനെതിരെ നാല് ഗോളുകൾക്ക് ചാമ്പ്യൻസ് എഫ് സി സിഎഫ് സി സാൽമിയയെ പരാജയപ്പെടുത്തി.
ചാംപ്യൻസിനു വേണ്ടി സ്റ്റെഫിൻ രണ്ടും കിഷോർ , ഷൈൻ എന്നിവർ ഓരോ ഗോളുകൾ നേടി സി എഫ് സി സാൽമിയക്ക് വേണ്ടി ഹസൻ ഒരു മടക്കി. അവസാന മത്സരത്തിൽ സ്പാർക്സ് എഫ് സി എതിരില്ലാത്ത മൂന്ന് ഗോളുകൾക്ക് മെറിറ്റ് അൽശബാബ്‌ എഫ് സിയെ പരാജയപ്പെടുത്തി . സ്പാർക്‌സിനു വേണ്ടി നൗഷാദ് , ബിഷരെ എന്നിവർ ഓരോ ഗോൾ നേടി.
മത്സരങ്ങളിലെ മോസ്റ്റ് വാല്യൂഅബിൾ കളിക്കാരായി മാസ്റ്റേഴ്സ് ലീഗിൽ സാദിഖ് (സ്പാർക്സ് എഫ് സി ), നിസാർ (ബ്ലാസ്‌റ്റേഴ്‌സ് കുവൈറ്റ് ) ഷൈജു (മാക് കുവൈറ്റ് ) ബൈജു (സി എഫ് സി സാൽമിയ ), സിദ്ദിഖ് (റൗദ എഫ് സി ) മുജീബ് (ഇന്നോവേറ്റിവ് എഫ് സി ) എന്നിവരെയും സോക്കർ ലീഗിൽ ഗോഡ്‍ലി (സെഗുറോ കേരളാ ചലഞ്ചേഴ്സ് ), സീസൺ സിലുവായ് പിള്ളൈ (ഇന്നോവേറ്റിവ് എഫ് സി ) ഷൈൻ (ചാമ്പ്യൻസ് എഫ് സി ) സൈതലവി (സ്പാർക്സ് എഫ് ) എന്നിവരെയും തിരഞ്ഞെടുത്തു.
മത്സരങ്ങൾക്കു കെഫാക് മാനേജ്‌മെന്റ് ഭാരവാഹികൾ നേതൃത്വം നൽകി. അടുത്ത വെള്ളിയാഴ്ച സോക്കർ കേരള നടത്തുന്ന ഏകദിന സെവൻ എ സൈഡ് ടൂർണ്ണമെന്റ് നടക്കും.
