മ​ക​ളു​ടെ നി​ക്കാ​ഹ് ഇ​ന്ന്, പന്തലിലെത്തുക പിതാവിന്റെ ചേതനയറ്റ ശരീരം, അ​ബ്ദു​ൽ മ​ജീ​ദിന്റെ മരണം തീരാനോവാകുന്നു

മഞ്ചേരി: മ​ക​ളു​ടെ നി​ക്കാ​ഹി​നു​ള്ള അ​വ​സാ​ന​വ​ട്ട ഒ​രു​ക്ക​ത്തി​നിടെയിലാണ് അ​ബ്ദു​ൽ മ​ജീ​ദിന് അപകടത്തിൽ മരണം സംഭവിക്കുന്നത്. ശ​നി​യാ​ഴ്ച വൈ​കീ​ട്ട് ഇ​രു​മ്പു​ഴി​യി​ലെ വ​ര​ൻറെ വീ​ടി​ന​ടു​ത്തു​ള്ള പ​ള്ളി​യി​ൽ​വെ​ച്ചാ​ണ് ച​ട​ങ്ങു​ക​ൾ ന​ട​ത്താ​ൻ നി​ശ്ച​യി​ച്ചി​രു​ന്ന​ത്. വീ​ട്ടു​മു​റ്റ​ത്ത് പ​ന്തലൊരു​ക്കി മ​ക​ളെ യാ​ത്ര​യാ​ക്കാ​നു​ള്ള ത​യാ​റെ​ടു​പ്പി​ലാ​യി​രു​ന്നു മ​ജീ​ദ്. ഇ​തി​നി​ട​യി​ലാ​ണ് വാ​ഹ​നാ​പ​ക​ട​ത്തി​ൽ ഓ​ട്ടോ​റി​ക്ഷ ഡ്രൈ​വ​ർ കൂ​ടി​യാ​യ മ​ജീ​ദി​ൻറെ അ​പ്ര​തീ​ക്ഷി​ത മ​ര​ണം നാ​ടി​നെ ദുഖ​ത്തി​ലാ​ഴ്ത്തി​യ​ത്.
അ​ഞ്ചു മ​ക്ക​ളി​ൽ ഏ​ക മ​ക​ൾ റി​ൻഷ മ​റി​യ​ത്തി​ന്റെ നി​ക്കാ​ഹാ​ണ് ശ​നി​യാ​ഴ്ച ന​ട​ക്കേ​ണ്ടി​യി​രു​ന്ന​ത്. ബ​ന്ധു​ക്ക​ളെ​യെ​ല്ലാം നി​ക്കാ​ഹ് ച​ട​ങ്ങി​ന് ക്ഷ​ണി​ച്ചി​രു​ന്നു. ബി​രു​ദ​ത്തി​ന് പ​ഠി​ക്കു​ന്ന റി​ൻഷ​യെ ഇ​രു​മ്പു​ഴി സ്വ​ദേ​ശി​യാ​യ യു​വാ​വാ​ണ് വി​വാ​ഹം ചെ​യ്യു​ന്ന​ത്. വിവാഹത്തിനായുള്ള ഒരുക്കങ്ങളെല്ലാം പൂർത്തിയാക്കിയ പുറത്തുപോയ മജീദ് ഓടിച്ചിരുന്ന ഓട്ടോയും ശബരിമല തീർഥാടകർ സഞ്ചരിച്ച വാഹനവും തമ്മിൽ ഇടിച്ചാണ് അപകടമുണ്ടായത്. അപകടത്തിൽ ഓട്ടോറിക്ഷയിലുണ്ടായിരുന്ന നാലുപേ‍‍ർ സംഭവസ്ഥലത്തുതന്നെ മരിച്ചു.
വ​ർഷ​ങ്ങ​ളാ​യി മ​ഞ്ചേ​രി​യി​ൽ ഓ​ട്ടോ ഓ​ടി​ക്കു​ന്ന മ​ജീ​ദി​നെ കി​ഴ​ക്കേ​ത്ത​ല​യു​ൾപ്പെ​ടെ​യു​ള്ള മ​ഞ്ചേ​രി​യി​ലെ സ​മീ​പ​പ്ര​ദേ​ശ​ങ്ങ​ളി​ലു​ള്ള​വ​ർ​ക്ക് സു​പ​രി​ച​ത​നായി​രു​ന്നു. മ​ഞ്ചേ​രി ബ​സ് സ്റ്റാ​ൻ​ഡി​ന് സ​മീ​പ​മു​ള്ള യ​തീം​ഖാ​ന ഓ​ട്ടോ ട്രാ​ക്കി​ലാ​ണ് ഓ​ട്ടോ ഇ​ടാ​റു​ള്ള​ത്. അ​തു​കൊ​ണ്ട് ത​ന്നെ കി​ഴ​ക്കേ​ത്തല​യി​ലു​ള്ള പ​രി​ച​യ​ക്കാ​ർ മ​ജീ​ദി​നെ തേ​ടി​യെ​ത്തും. വെ​ള്ളി​യാ​ഴ്ച​യും പ​തി​വു​പോ​ലെ പ​രി​ച​യ​ത്തി​ലാ​ണ് മ​ജീ​ദി​നെ വി​ളി​ച്ച​ത്. ആ ​യാ​ത്ര​യാ​ണ് ഒ​രു​പാ​ട് പേ​രു​ടെ സ്വ​പ്ന​ങ്ങ​ൾ പാ​തി​വ​ഴി​യി​ലാ​ക്കി അ​ഞ്ചം​ഗ സം​ഘ​ത്തെ മ​ര​ണം ത​ട്ടി​യെ​ടു​ത്ത​ത്.
മ​ക​ളു​ടെ നി​ക്കാ​ഹ് ച​ട​ങ്ങി​നാ​യി ഒ​രു​ക്കി​യ പ​ന്ത​ലി​ലേ​ക്കാ​വും പി​താ​വി​ൻറെ ചേ​ത​ന​യ​റ്റ ശ​രീ​രം എ​ത്തി​ക്കു​ക​യെ​ന്ന​ത് ദു​ര​ന്ത​ത്തി​ൻറെ ആ​ഴം ഇ​ര​ട്ടി​യാ​ക്കി.