ചൈനാക്കാരുടെ മലത്തിൽ വിളഞ്ഞ വെളുത്തുള്ളി കഴിച്ച് അമേരിക്കക്കാർക്ക് ഓർക്കാനം! ഇന്ത്യയിലെ ഉരുളകിഴങ്ങും വിളയുന്നത് ഇങ്ങനെ!

വെളുത്തുള്ളി ( പൂണ്ട് ) കയറ്റുമതിചെയ്യുന്ന ലോകത്തെ ഏറ്റവും വലിയ രാജ്യമാണ് ചൈന. അവരുടെ ഏറ്റവും വലിയ ഉപഭോക്തൃ രാജ്യമാണ് അമേരിക്ക. ചൈനയിലെ വെളുത്തുള്ളി വളരെ കുറഞ്ഞവിലയ്ക്കാണ് അമേ രിക്കയിലേക്ക് കയറ്റുമതി ചെയ്യുന്നത്.
ചൈന വെളുത്തുള്ളി കൃഷിക്ക് മുഖ്യവളമായി ഉപയോഗിക്കുന്നത് മനുഷ്യ മലമാണ്. മനുഷ്യമലം ഉപയോ ഗിച്ചുള്ള കൃഷി ചൈനയിൽ വ്യാപകമാണ്.
അമേരിക്കയിലെ റിപ്പബ്ലിക്കൻ സെനറ്റർ റിക്ക് സ്‌കോട്ട് ( Rick Scott) ആണ് ചൈനയിലെ പൂണ്ട് അമേരിക്കയിൽ നിരോധിക്കണമെന്ന ആവശ്യവുമായി ഇപ്പോൾ രംഗത്തുവന്നിരിക്കുന്നത്. മലം വളമായി ഉപയോഗിച്ചു ചൈന വെളുത്തുള്ളി കൃഷി ചെയ്യുന്ന വിഡിയോയും അദ്ദേഹം പുറത്തുവിട്ടു.
ചൈനയിലെ വെളുത്തുള്ളി അമേരിക്കൻ ജനതയുടെ ആരോഗ്യത്തിനും രാഷ്ട്രീയ സുരക്ഷയ്ക്കും അപകട കരമാണെന്ന് അദ്ദേഹം പറയുന്നു. വൃത്തിഹീനവും അസഹ്യവുമായ രീതിയിൽ കൃഷിചെയ്യുന്ന വെളുത്തു ള്ളി അമേരിക്കൻ ജനത ഉപയോഗിക്കാൻ പാടില്ലെന്നും അദ്ദേഹം പറഞ്ഞു.
എന്നാൽ മറ്റു മൃഗങ്ങളുടെ മലം പോലെത്തന്നെ മനുഷ്യമലവും നല്ല ഒന്നാന്തരം വളമാണെന്നും ഇത് ഏറെ സുരക്ഷിതമാണെന്നും കൃഷിക്ക് അത്യുത്തമമാണെന്നും ക്യൂബെക്കിലെ (Quebec,) McGill University 2017 ൽ പ്രസിദ്ധീകരിച്ച ഒരു ലേഖനത്തിൽ വ്യക്തമായി വിവരിക്കുന്നുണ്ട്.
ഇന്ത്യയിൽ ചില ഉത്തരേന്ത്യൻ സംസ്ഥാനങ്ങളിൽ ഉരുളക്കിഴങ്ങു കൃഷിക്ക് മനുഷ്യമലം ഉപയോഗിക്കുന്നതായി അറിയുന്നു. സോൺ ഖാത്തു ( സ്വർണ്ണ വളം ) എന്നാണ് അവരതിനെ വിളിക്കുന്നത്. ഉരുളക്കിഴങ്ങു കൾക്ക് നല്ല മുഴുപ്പും കൂടുതൽ വിളവും നിറവും ലഭിക്കാൻ സോൺ ഖാത്തു ഉത്തമാണെന്ന് അവർ പറയാറുണ്ട്.