പല കാരണങ്ങള്‍ കൊണ്ടും മലബന്ധം ഉണ്ടാകാം. വെള്ളം കുടിക്കാതിരിക്കുക, നാരുകളുള്ള ഭക്ഷണത്തിന്‍റെ കുറവ്, ചില ആരോഗ്യ പ്രശ്നങ്ങള്‍, ദഹന പ്രശ്‌നം, ചില മരുന്നുകൾ, മാനസിക പ്രശ്നങ്ങൾ, ജീവിതശൈലിയിലെ മാറ്റങ്ങള്‍ തുടങ്ങിയവയൊക്കെ ഇതിന് കാരണമാകും. ഉണങ്ങിയ പ്ലം പഴമായ പ്രൂൺസില്‍ ഫൈബറും വിറ്റാമിനുകളും മിനറലുകളും ധാരാളം ഉണ്ട്. ഫൈബര്‍ അടങ്ങിയ പ്രൂൺസ് ഡയറ്റില്‍ ഉള്‍പ്പെടുത്തുന്നത് മലബന്ധം അകറ്റാന്‍ സഹായിക്കും. വയര്‍ വീര്‍ത്തിരിക്കുന്നത് തടയാനും വയറിന്‍റെ ആരോഗ്യത്തിനും ഇവ നല്ലതാണ്.
കറുത്ത ഉണക്കമുന്തിരിയിൽ നാരുകൾ ധാരാളമായി അടങ്ങിയിട്ടുണ്ട്. ഉണക്കമുന്തിരി കുതിർത്ത് വെള്ളം കുടിക്കുന്നത് ദഹനം എളുപ്പമാക്കാനും മലബന്ധം അകറ്റാനും സഹായിക്കും. വിറ്റാമിനുകളും ഫൈബറും മറ്റും അടങ്ങിയ ആപ്പിള്‍ ഡയറ്റില്‍ ഉള്‍പ്പെടുത്തുന്നത് മലബന്ധം തടയാന്‍ സഹായിക്കും.ഓറഞ്ചില്‍ പ്രധാനമായും വിറ്റാമിന്‍ സിയും ഫൈബറുകളുമാണ് അടങ്ങിയിരിക്കുന്നത്. ഇവ രണ്ടും മലബന്ധത്തെ ചെറുക്കാന്‍ സഹായിക്കുന്നതാണ്.
നെയ്യും മലബന്ധത്തെ തടയാന്‍ സഹായിക്കും. ഒപ്പം ഗ്യാസ്, അസിഡിറ്റി തുടങ്ങി എല്ലാത്തരം ദഹന പ്രശ്നങ്ങൾക്കും നെയ്യ് പരിഹാരമാണ്.ചീര, ബ്രൊക്കോളി തുടങ്ങിയ ഇലക്കറികളിൽ നാരുകള്‍ അടങ്ങിയിട്ടുണ്ട്. അതിനാല്‍ ഇവ കഴിക്കുന്നത് മലബന്ധത്തെ അകറ്റാന്‍ സഹായിക്കും. തൈരിൽ പ്രോബയോട്ടിക്സ് അടങ്ങിയിട്ടുണ്ട്. ഇത് കുടലിന്‍റെ ആരോഗ്യം മെച്ചപ്പെടുത്താനും മലബന്ധം അകറ്റാനും സഹായിക്കും. തൈരിലുള്ള പ്രോബയോട്ടിക്സ് കുടലിന്‍റെ ആരോഗ്യത്തെയും സംരക്ഷിക്കുന്നു.
