കോഴിക്കോട്: തവണ വ്യവസ്ഥയില്‍ പണമടച്ചാല്‍ ഗൃഹോപകരണങ്ങള്‍ വീട്ടിലെത്തിക്കാമെന്ന് വാഗ്ദാനം ചെയ്തുള്ള തട്ടിപ്പില്‍ കുടുങ്ങി നിരവധിപ്പേര്‍. കോഴിക്കോട് കായക്കൊടി കാവിലുംപാറ മേഖലയിലുള്ളവരാണ് കബളിപ്പിക്കപ്പെട്ടത്.
കോഴിക്കോട് സ്വദേശി ബെന്നിയെന്ന് പരിചയപ്പെടുത്തിയാണ് തട്ടിപ്പുകാരന്‍ വീടുകളിലെത്തിയത്. പ്രമുഖ ഓണ്‍ലൈന്‍ കമ്പനിയുടെ പരസ്യം കാണിച്ചാണ് ഇയാള്‍ ആളുകളെ വിശ്വസിപ്പിച്ചത്. ഗംഭീര എക്‌സ്‌ചേഞ്ച് ഓഫറെന്നായിരുന്നു വാഗ്ദാനം. ആഴ്ചയില്‍ 100 രൂപ വീതമടച്ച് പുത്തന്‍ ഫ്രിഡ്ജും ടിവിയും അലമാരയുമെല്ലാം വീട്ടിലെത്തിക്കാമെന്നാണ് ആളുകളോട് പറഞ്ഞത്.
കായക്കൊടി, കാവിലുംപാറ പഞ്ചായത്തുകളില്‍ നിശ്ചിത തുക മുന്‍കൂറായി അടച്ച് അമ്പതിലേറെ പേരാണ് രണ്ടാഴ്ച കൊണ്ട് തട്ടിപ്പിനിരയായത്. ദിവസങ്ങള്‍ കഴിഞ്ഞിട്ടും സാധനങ്ങള്‍ വീട്ടിലെത്താതായതോടെ തട്ടിപ്പുകാര്‍ തന്ന നമ്പറില്‍ വിളിച്ചപ്പോള്‍ അസഭ്യം പറയുകയുമായിരുന്നു.
പണം നല്‍കുന്നതിന്റെ വീഡിയോ ദൃശ്യങ്ങള്‍ ഉള്‍പ്പെടെ തട്ടിപ്പിനിരയായവര്‍ തൊട്ടില്‍പ്പാലം പോലീസ് സ്റ്റേഷനില്‍ പരാതി നല്‍കിയിട്ടുണ്ട്. സമാന രീതിയില്‍ മറ്റ് പ്രദേശങ്ങളില്‍ ഇയാള്‍ തട്ടിപ്പുകള്‍ നടത്തിയിട്ടുണ്ടോയെന്നും പൊലീസ് പരിശോധിക്കുന്നുണ്ട്.
ഗംഭീര എക്‌സ്‌ചേഞ്ച് ഓഫര്‍, ആഴ്ചയില്‍ 100 രൂപ വീതമടച്ചാല്‍ പുത്തന്‍ ഫ്രിഡ്ജും ടിവിയും അലമാരയുമെല്ലാം വീട്ടിലെത്തും; പ്രമുഖ ഓണ്‍ലൈന്‍ കമ്പനിയുടെ പരസ്യം കാണിച്ച് തട്ടിപ്പ്, കുടുങ്ങിയത് നിരവധിപ്പേര്‍
Byadmin
Dec 4, 2023