ശരീരത്തില്‍ വിറ്റാമിൻ സി ലഭിക്കാനുള്ള വഴികൾ
രോഗ പ്രതിരോധശേഷി മുതല്‍ ചര്‍മ്മത്തിന്‍റെ ആരോഗ്യത്തിന് വരെ സഹായിക്കുന്ന ഒന്നാണ് വിറ്റാമിന്‍ സി. എല്ലുകളുടെ ആരോഗ്യത്തിനും വിറ്റാമിന്‍ സി പ്രധാനമാണ്. അതിനാല്‍ തന്നെ വിറ്റാമിന്‍ സിയുടെ കുറവ് എല്ലുകളുടെ ആരോഗ്യത്തെ മോശമായി ബാധിക്കാം. ഇതുമൂലം ഓസ്റ്റിയോപൊറോസിസ് സാധ്യതയും കൂടാം. പല്ലുകൾക്ക് കേട് വരിക, മുറിവുകൾ ഉണങ്ങാൻ താമസിക്കുക എന്നിവയുൾപ്പെടെയുള്ള ലക്ഷണങ്ങള്‍ ഇതുമൂലം ഉണ്ടാകാം.
രോഗ പ്രതിരോധശേഷി മുതല്‍ ചര്‍മ്മത്തിന്‍റെ ആരോഗ്യത്തിന് വരെ സഹായിക്കുന്ന ഒന്നാണ് വിറ്റാമിന്‍ സി.
വിറ്റാമിന്‍ സിയുടെ കുറവ് എല്ലുകളുടെ ആരോഗ്യത്തെയും രോഗ പ്രതിരോധശേഷിയെയും ചര്‍മ്മത്തെയും വരെ ബാധിക്കാം.
ശരീരത്തില്‍ വിറ്റാമിൻ സി ലഭിക്കാനുള്ള വഴികൾ എന്തൊക്കെയാണെന്ന് നോക്കാം.
ഓറഞ്ച്, നാരങ്ങ, ഗ്രേപ്പ് ഫ്രൂട്ട്, സ്ട്രോബെറി, ബ്ലൂബെറി, നെല്ലിക്ക, പേരയ്ക്ക, പപ്പായ തുടങ്ങിയ വിറ്റാമിൻ സി അടങ്ങിയ പഴങ്ങള്‍ കഴിക്കുക.
ബെല്‍ പെപ്പര്‍, ബ്രൊക്കോളി, ചീര, തക്കാളി, കറിവേപ്പില തുടങ്ങിയവയിലൊക്കെ വിറ്റാമിൻ സി അടങ്ങിയിട്ടുണ്ട്.
വിറ്റാമിന്‍ സി ഏറ്റവും കൂടുതല്‍ അടങ്ങിയ ഒരു ഫലമാണ് നെല്ലിക്ക. അതിനാല്‍ രാവിലെ വെറുംവയറ്റില്‍ നെല്ലിക്കാ ജ്യൂസ് കുടിക്കാം.
സാലഡിലും സൂപ്പിലുമൊക്കെ നാരങ്ങാ നീര് ചേര്‍ക്കുന്നതും വിറ്റാമിന്‍ സി ലഭിക്കാന്‍ സഹായിക്കും.
ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില്‍ മാറ്റം വരുത്തുക.