ഓൾ കേരള നീറ്റ് മെഗാ – മോക്ക് ടെസ്റ്റ്; വിജയമന്ത്രവുമായി എറണാകുളം ഗവ. മെഡിക്കൽ കോളേജിലെ വിദ്യാർത്ഥികൾ
കൊച്ചി: എറണാകുളം സര്‍ക്കാര്‍ മെഡിക്കല്‍ കോളേജിലെ വിദ്യാര്‍ത്ഥികളുടെ നേതൃത്വത്തില്‍ ഏപ്രിൽ 26, 27 തീയതികളില്‍ കാറ്റലിസ്റ്റ് – ഓൾ കേരള നീറ്റ് മെഗാ – മോക്ക് ടെസ്റ്റ് (Catalyst- All kerala Neet Mega-Mock Test) സംഘടിപ്പിക്കും. പഞ്ചാബ് നാഷണൽ ബാങ്കിന്റെ പിന്തുണയോടെ ടെല്ല ക്ലാസെസ് എൻട്രൻസ് കോച്ചിംഗ് ആപ്പ് (Tella classes entrance coaching app) മുഖേന സംഘടിപ്പിക്കുന്ന മോക്ക് ടെസ്റ്റിന് www.catalystexam.online എന്ന വെബ്സൈറ്റിലൂടെ വിദ്യാര്‍ത്ഥികള്‍ക്ക് രജിസ്റ്റർ ചെയ്യാം. രജിസ്റ്റർ ചെയ്ത വിദ്യാര്‍ഥികള്‍ക്ക് എംബിബിഎസ് വിദ്യാര്‍ത്ഥികൾ നടത്തുന്ന വെബിനാറുകളും സൗജന്യ റിവിഷൻ ക്ലാസുകളും ലഭ്യമാകും.
സംസ്ഥാനത്തുടനീളമുള്ള മെഡിക്കൽ വിദ്യാർത്ഥികളെ ശാക്തീകരിക്കാനും അവരുടെ മുന്നോട്ടുള്ള യാത്രയ്ക്ക് കരുത്തേകാനും വേണ്ടി രൂപകൽപ്പന ചെയ്ത ഒരു ഓൾ കേരള നീറ്റ് മോക്ക് ടെസ്റ്റാണ് കാറ്റലിസ്റ്റ് 2025. നീറ്റ് പരീക്ഷകള്‍ക്ക് സമാനമായ അനുഭവം സമ്മാനിക്കാനും ഓരോ വിദ്യാർത്ഥികളുടെയും പ്രകടനം വിലയിരുത്താനും ഈ മോക്ക് ടെസ്റ്റിലൂടെ സാധിക്കും. മാത്രമല്ല, കേരള റാങ്ക് പ്രെഡിക്ഷനും ഇതുവഴി മനസിലാക്കാന്‍ കഴിയുമെന്നതാണ് മറ്റൊരു സവിശേഷത. ഈ നിര്‍ണായക ഘട്ടത്തിൽ വിദ്യാര്‍ത്ഥികള്‍ നേരിടുന്ന വെല്ലുവിളികളും യാത്രാ ബുദ്ധിമുട്ടുകളും മനസ്സിലാക്കിക്കൊണ്ട് കാറ്റലിസ്റ്റ് 2025 പൂര്‍ണ്ണമായും ഓണ്‍ലൈനായാണ് സംഘടിപ്പിക്കുന്നത്. ഇതുവഴി കേരളത്തിന്റെ എല്ലാ കോണുകളില്‍ നിന്നുമുള്ള വിദ്യാര്‍ത്ഥികള്‍ക്ക് അവരവരുടെ വീടുകളില്‍ നിന്ന് തന്നെ മോക്ക് ടെസ്റ്റില്‍ പങ്കെടുക്കാന്‍ സാധിക്കും.
READ MORE: മലപ്പുറത്ത് ഗസ്റ്റ് അധ്യാപക നിയമനം; യോഗ്യത, അവസാന തീയതി…വിശദ വിവരങ്ങൾ