സമ്മാനത്തുക 18,000 റി​യാൽ, ഖത്തറിൽ ഫോ​ട്ടോ​ഗ്ര​ഫി മ​ത്സ​ര​വു​മാ​യി ക​താ​റ

ദോഹ: ഖത്തറിലെ ക​താ​റ ക​ൾ​ച്ച​റ​ൽ വി​ല്ലേ​ജി​ൽ ന​ട​ക്കു​ന്ന അ​ൽ ന​ഹ്മ ആ​ർ​ട്ട് ഫെ​സ്റ്റി​വ​ലി​ന്റെ ഭാ​ഗ​മാ​യി ഫോ​ട്ടോ​ഗ്ര​ഫി മ​ത്സ​ര​വും സം​ഘ​ടി​പ്പി​ക്കു​ന്നു. ഖത്തറിന്റെയും ഗൾഫ് മേഖലയുടെയും സമ്പന്നമായ സാംസ്കാരിക പൈതൃകത്തെ ആഘോഷിക്കുകയും, പരമ്പരാഗത സമുദ്ര ഗാനകലയായ അൽ നഹ്മയെ ഉയർത്തിക്കാട്ടുകയും ചെയ്യുന്ന ഫെസ്റ്റിവലും അവാർഡ് ദാന ചടങ്ങും ഏപ്രിൽ 13 മുതൽ 15 വരെ കതാറയിൽ നടക്കും. ന​ഹം അ​ൽ ഖ​ലീ​ജ് എ​ന്ന പേ​രി​ൽ ന​ട​ക്കു​ന്ന പ​ര​മ്പ​രാ​ഗ​ത ക​ട​ൽ പാ​ട്ട് ഫെ​സ്റ്റി​ന്റെ ഭാ​ഗ​മാ​യാ​ണ് സ്വ​ദേ​ശി​ക​ൾ​ക്കും താ​മ​സ​ക്കാ​ർ​ക്കും പ​​ങ്കെ​ടു​ക്കാ​വു​ന്ന ഫോ​ട്ടോ​ഗ്ര​ഫി മ​ത്സ​രം സം​ഘ​ടി​പ്പി​ക്കു​ന്ന​ത്. ഫോട്ടോഗ്രഫി മത്സരത്തിലൂടെ ഖത്തറി പൈതൃകം സംരക്ഷിക്കുകയും പ്രോത്സാഹിപ്പിക്കുകയുമാണ് ലക്ഷ്യം. 

അ​ൽ ന​ഹ്മ ആ​ർ​ട്ട് ഫെ​സ്റ്റി​വ​ൽ വേളയിൽ പകർത്തുന്ന ചിത്ര​ങ്ങ​ളാ​ണ് മ​ത്സ​ര​ത്തി​നാ​യി അ​യ​ക്കേ​ണ്ട​ത്. അ​പേ​ക്ഷ​ക​ൾ ഏ​പ്രി​ൽ 20ന് ​മു​മ്പാ​യി സ​മ​ർ​പ്പി​ച്ചി​രി​ക്ക​ണം. 18,000 റി​യാ​ലാണ് ആകെ സമ്മാനത്തുക. ഒ​ന്നാം സ്ഥാ​ന​ത്തി​ന് 8,000 റി​യാ​ലും ര​ണ്ടാം സ്ഥാ​ന​ത്തി​ന് 6,000 റി​യാ​ലും മൂ​ന്നാം സ്ഥാ​ന​ത്തി​ന് 4,000 റി​യാ​ലു​മാ​ണ് സ​മ്മാ​നം. ഓ​രോ മ​ത്സ​രാ​ർ​ഥി​ക്കും പ​ര​മാ​വ​ധി 10 ഫോ​ട്ടോ​ക​ൾ വ​രെ സ​മ​ർ​പ്പി​ക്കാം. എ​ല്ലാ ഫോ​ട്ടോ​ക​ളും ക​താ​റ ബീ​ച്ചി​ൽ ന​ട​ക്കു​ന്ന അ​ൽ ന​ഹ്മ ആ​ർ​ട്ട് ഫെ​സ്റ്റി​വ​ലി​ൽ പ​ക​ർ​ത്തി​യ​വ ആ​യി​രി​ക്ക​ണം. 

കൃ​ത്രി​മ​ത്വ​ങ്ങ​ൾ വ​രു​ത്താ​ത്ത മി​ക​ച്ച ​ക്വാ​ളി​റ്റി​യു​ള്ള ചി​ത്ര​ങ്ങ​ളാണ് അയക്കേണ്ടത്. മൊ​ബൈ​ൽ ഫോ​ണു​ക​ൾ, മ​റ്റു സ്മാ​ർ​ട്ട് ഉ​പ​ക​ര​ണ​ങ്ങ​ൾ ഉ​പ​യോ​ഗി​ച്ചോ എ​ടു​ത്ത ഫോ​ട്ടോ​ക​ൾ സ്വീ​ക​രി​ക്കു​ന്ന​ത​ല്ല. JPEG/JPG ഫോർമാറ്റിൽ ഉള്ളവയും ഏറ്റവും ചെറിയ വശം കുറഞ്ഞത് 3000 പിക്സലുകൾ ആയിരിക്കുകയും വേണം. കുറഞ്ഞത് 300 dpi പ്രിന്റ് റെസല്യൂഷൻ ഉണ്ടായിരിക്കണം. ചിത്രങ്ങൾ We Transfer വഴി pc@qpc.qa എ​ന്ന ഇ-​മെ​യി​ൽ വി​ലാ​സത്തിലേക്കാണ് അ​യ​ക്കേണ്ടത്. മ​ത്സ​ര​ത്തെ​ക്കു​റി​ച്ചു​ള്ള കൂ​ടു​ത​ൽ വി​വ​ര​ങ്ങ​ൾ www.katara.net ൽ ലഭ്യമാണ്.

read more: പൊരിഞ്ഞ അടി, അറബ് സഹോദരങ്ങളെ നാടു കടത്താൻ ഉത്തരവിട്ട് കുവൈത്ത്