കൂടുതൽ കരുത്ത്, മൂന്ന് ശക്തമായ സവിശേഷതകൾ; ഇനി നിങ്ങൾക്ക് താക്കോൽ ഇല്ലാതെ ഥാറിൽ കേറാം!
ജനപ്രിയ വാഹന ബ്രാൻഡായ മഹീന്ദ്ര ആൻഡ് മഹീന്ദ്രയുടെ ഏറ്റവും കൂടുതൽ വിൽപ്പനയുള്ള എസ്‍യുവികളിൽ ഒന്നാണ് മഹീന്ദ്ര ഥാർ റോക്‌സ്. മൂന്ന് ഡോർ ഥാറിന്റെ 5-ഡോർ, പ്രീമിയം പതിപ്പാണിത്. ഇളയ സഹോദരനേക്കാൾ നിരവധി അധിക സവിശേഷതകൾ ഇത് വാഗ്ദാനം ചെയ്യുന്നു. സുഖസൗകര്യങ്ങൾ കൂടുതൽ മെച്ചപ്പെടുത്തുന്നതിനായി, കാർ നിർമ്മാതാവ് ഇതിന് ഒരു ചെറിയ ഫീച്ചർ അപ്‌ഗ്രേഡ് നൽകിയിട്ടുണ്ട്. 2025 മഹീന്ദ്ര ഥാർ റോക്‌സിൽ എയറോഡൈനാമിക് വൈപ്പറുകൾ, കീലെസ് എൻട്രി, സ്ലൈഡിംഗ് പാസഞ്ചർ സൈഡ് ഫ്രണ്ട് ആംറെസ്റ്റ് എന്നിവയുണ്ട്.
2025 മോഡൽ വർഷത്തിൽ മറ്റ് മാറ്റങ്ങളൊന്നും വരുത്തിയിട്ടില്ല. പനോരമിക് സൺറൂഫ്, ബ്ലൈൻഡ് സ്പോട്ട് മോണിറ്റർ, 360 ഡിഗ്രി ക്യാമറ, പവർഡ് 6-വേ അഡ്ജസ്റ്റ് ചെയ്യാവുന്ന ഡ്രൈവർ സീറ്റ്, വെന്റിലേറ്റഡ് ഫ്രണ്ട് സീറ്റുകൾ, 9-സ്പീക്കർ ഹാർമൺ കാർഡൺ ഓഡിയോ സിസ്റ്റം, ‘ഇന്റലിടേൺ’ ടൈറ്റ് ടേൺ ഫീച്ചർ, ഓട്ടോമാറ്റിക് ക്ലൈമറ്റ് കൺട്രോൾ, വയർലെസ് ആപ്പിൾ കാർപ്ലേ, ആൻഡ്രോയിഡ് ഓട്ടോ, കണക്റ്റഡ് കാർ ടെക്, 10.25 ഇഞ്ച് ഡിജിറ്റൽ ഡ്രൈവർ ഡിസ്പ്ലേ, ADAS സ്യൂട്ട്, ഇലക്ട്രോണിക് ലോക്കിംഗ് ഡിഫറൻഷ്യൽ, ലെതറെറ്റ് സീറ്റുകളും സ്റ്റിയറിംഗ് കവറും, വയർലെസ് സ്മാർട്ട്ഫോൺ ചാർജിംഗ്, ഓട്ടോ ഡിമ്മിംഗ് ഐആർവിഎം തുടങ്ങി നിരവധി സവിശേഷതകൾ ഈ എസ്‌യുവിയിൽ തുടർന്നും ലഭ്യമാണ്.
2025 മഹീന്ദ്ര ഥാർ റോക്‌സിൽ നിലവിലെ അതേ 162bhp, 330Nm, 2.0L ടർബോ പെട്രോൾ, 152bhp/330Nm, 2.2L ഡീസൽ എഞ്ചിനുകൾ ഉൾപ്പെടുന്നു. വാട്ട്സ് ലിങ്കേജുള്ള മൾട്ടിലിങ്ക് റിയർ സസ്‌പെൻഷൻ, മഹീന്ദ്രയുടെ ഫ്രീക്വൻസി ഡിപൻഡന്റ് ഡാമ്പിംഗ് സാങ്കേതികവിദ്യ, 650mm വാട്ടർ വേഡിംഗ് ഡെപ്ത്, മൾട്ടിപ്പിൾ ഡ്രൈവ് മോഡലുകൾ എന്നിവ ഈ എസ്‌യുവിയിൽ ഉപയോഗിക്കുന്നു, ഇത് അതിന്റെ ഓഫ്-റോഡ് കഴിവുകൾ മെച്ചപ്പെടുത്തുന്നു.
വരും മാസങ്ങളിൽ പുതുക്കിയ 3-ഡോർ ഥാറിനെ അവതരിപ്പിക്കാനും മഹീന്ദ്ര ഥാർ പദ്ധതിയിടുന്നു . 2025 മഹീന്ദ്ര താറിൽ വലിയ 10.25 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, 10.25 ഇഞ്ച് ഡിജിറ്റൽ ഡ്രൈവർ ഡിസ്പ്ലേ, വയർലെസ് ഫോൺ ചാർജർ, വെന്റിലേറ്റഡ് ഫ്രണ്ട് സീറ്റുകൾ എന്നിവ ഉണ്ടാകാൻ സാധ്യതയുണ്ട്. അപ്‌ഡേറ്റ് ചെയ്‌ത എസ്‌യുവി നിരയിൽ സ്റ്റാൻഡേർഡായി 6 എയർബാഗുകളും ലഭിച്ചേക്കാം. ഉയർന്ന ട്രിമ്മുകൾക്കായി ADAS സ്യൂട്ട്, 360 ഡിഗ്രി ക്യാമറ തുടങ്ങിയ സവിശേഷതകൾ മാറ്റിവയ്ക്കാം. മെക്കാനിക്കൽ മാറ്റങ്ങളൊന്നും പ്രതീക്ഷിക്കുന്നില്ല. 1.5L ഡീസൽ, 2.0L ഡീസൽ, 2.2L ഡീസൽ എഞ്ചിൻ ഓപ്ഷനുകളിൽ ഇത് തുടർന്നും വാഗ്ദാനം ചെയ്യും. മുകളിൽ പറഞ്ഞ എല്ലാ അപ്‌ഡേറ്റുകളും ഉപയോഗിച്ച്, ഥാർ ഫെയ്‌സ്‌ലിഫ്റ്റിന് ചെറിയ വിലവർദ്ധനവ് ഉണ്ടായേക്കാം.