ഒമാനിൽ മലകയറ്റത്തിനിടെ വീണ് സ്ത്രീക്ക് പരിക്ക്

മസ്കത്ത്: ഒമാനിലെ ദാഹിറ ​ഗവർണറേറ്റിൽ മല കയറ്റത്തിനിടെ വീണ് പരിക്കേറ്റ സ്ത്രീയെ സിവിൽ ഡിഫൻസ് ആൻഡ് ആംബുലൻസ് അതോറിറ്റി രക്ഷപ്പെടുത്തി. അൽ ഹംറ വിലായത്തിലെ ജബൽ ഷാംസിൽ ആണ് സംഭവം. പർവ്വത പ്രദേശത്ത് ഹൈക്കിങ് നടത്തുന്നതിനിടെ വീണ് പരിക്കേറ്റ സ്ത്രീയെ പോലീസ് ഏവിയേഷന്റെ സഹകരണത്തോടെ ദാഖിലിയ ​ഗവർണറേറ്റിലെ സിവിൽ ഡിഫൻസ് ആൻഡ് ആംബുലൻസ് അതോറിറ്റിയാണ് രക്ഷപ്പെടുത്തിയത്. സ്ത്രീയുടെ ലൊക്കേഷൻ കണ്ടെത്തിയ ഉടൻ തന്നെ അവരെ രക്ഷപ്പെടുത്തി ആശുപത്രിയിലേക്ക് മാറ്റുകയായിരുന്നു. ഇവരുടെ ആരോ​ഗ്യനില തൃപ്തികരമാണെന്ന് അധികൃതർ അറിയിച്ചു.     

read more: യുഎഇയിൽ കനത്ത മൂടൽമഞ്ഞ്, വാഹനമോടിക്കുമ്പോൽ ജാ​ഗ്രത വേണം