മാതാവിന്റെ ആൺ സുഹൃത്തിനെ കൊലപ്പെടുത്തിയത് ആസൂത്രിതമായി; വീ​ടി​നു​ള്ളി​ലെ സോ​ക്ക​റ്റി​ൽ​നി​ന്നാ​ണ് എ​ർ​ത്തി​ട്ട​തെ​ന്ന് വൈ​ദ്യു​തി വ​കു​പ്പ്

അ​മ്പ​ല​പ്പു​ഴ: മാതാവിന്റെ ആൺ സുഹൃത്തിനെ കൊലപ്പെടുത്തിയത് ആസൂത്രിതമായെന്ന് പൊലീസ്. വൈ​ദ്യു​താ​ഘാ​ത​മേ​റ്റ് ഗൃ​ഹ​നാ​ഥ​നെ ആ​ളൊ​ഴി​ഞ്ഞ പു​ര​യി​ട​ത്തി​ൽ മ​രി​ച്ച​നി​ല​യി​ൽ ക​ണ്ടെ​ത്തി​യ സം​ഭ​വ​ത്തി​ലാണ് ഞെട്ടിക്കുന്ന വിവരങ്ങൾ പുറത്ത് വരുന്നത്. വൈദ്യൂതി വകുപ്പ് ജീവനക്കാരുടെ പരിശോധനയിലാണ് ​​കൊലപാതകമാ​ണെന്ന് തെളിയുന്നത്.

പു​ന്ന​പ്ര വ​ട​ക്ക് പ​ഞ്ചാ​യ​ത്ത് പ​തി​ന​ഞ്ചാം വാ​ർ​ഡി​ൽ ക​ല്ലു​പു​ര​ക്ക​ൽ ദി​നേ​ശ​ൻ (50) മ​രി​ച്ച സം​ഭ​വ​ത്തി​ലാ​ണ് സ​മീ​പ​വാ​സി​യാ​യ കൈ​ത​വ​ള​പ്പ് കു​ഞ്ഞു​മോ​ൻ (55), ഭാ​ര്യ അ​ശ്വ​മ്മ (അ​ശ്വ​തി-50), മ​ക​ൻ കി​ര​ൺ (28) എ​ന്നി​വ​രെ പു​ന്ന​പ്ര പൊ​ലീ​സ് അ​റ​സ്​​റ്റ്​ ചെ​യ്ത​ത്.
ദി​നേ​ശ​ന്‍റെ പെ​ൺ​സു​ഹൃ​ത്താ​ണ് അ​ശ്വ​മ്മ. കി​ര​ണാ​ണ് ദി​നേ​ശ​നെ കൊ​ല​പ്പെ​ടു​ത്തി​യ​തെ​ന്ന് പൊ​ലീ​സ്. കു​ടും​ബ​വു​മാ​യി പി​ണ​ങ്ങി​ക്ക​ഴി​യു​ന്ന ദി​നേ​ശ​ൻ ഇ​ട​ക്ക് അ​ശ്വ​മ്മ​യു​ടെ വീ​ട്ടി​ൽ എ​ത്തു​മാ​യി​രു​ന്നു. ഇ​ത​റി​ഞ്ഞ കി​ര​ൺ വെ​ള്ളി​യാ​ഴ്ച രാ​ത്രി വീ​ടി​നു​പി​ന്നി​ൽ എ​ർ​ത്ത്​​വ​യ​ർ ഇ​ടു​ക​യാ​യി​രു​ന്നു. ഇ​തി​ൽ കു​രു​ങ്ങി​യാ​ണ് ദി​നേ​ശ​ൻ മ​രി​ച്ച​തെ​ന്നാ​ണ് പൊ​ലീ​സി​ന്‍റെ അ​ന്വേ​ഷ​ണ​ത്തി​ൽ ക​ണ്ടെ​ത്തി​യ​ത്. മ​രി​ച്ചെ​ന്ന് ഉ​റ​പ്പാ​ക്കാ​ൻ കി​ര​ൺ വീ​ണ്ടും എ​ർ​ത്ത​ടി​പ്പി​ച്ചു. കൈ​ക്കും ക​ഴു​ത്തി​നും അ​ര​ക്കു​താ​ഴെ​യും ക​രി​ഞ്ഞ പാ​ടു​ക​ളു​ണ്ട്. മ​രി​ച്ചെ​ന്ന് ഉ​റ​പ്പാ​യ​ശേ​ഷം മൃ​ത​ദേ​ഹം വ​ലി​ച്ചി​ഴ​ച്ച് വീ​ട്ടി​ൽ​നി​ന്ന്​ 150 മീ​റ്റ​റോ​ളം അ​ക​ലെ വ​യ​ലി​ൽ കൊ​ണ്ടി​ട്ടു. കി​ര​ണും കു​ഞ്ഞു​മോ​നും ചേ​ര്‍ന്നാ​ണ് മൃ​ത​ദേ​ഹം വ​ലി​ച്ചി​ഴ​ച്ച് വ​യ​ലി​ല്‍ ഉ​പേ​ക്ഷി​ച്ച​തെ​ന്ന് പൊ​ലീ​സ് പ​റ​ഞ്ഞു.
ദി​നേ​ശ​ന്‍റെ ദേ​ഹ​ത്ത് പാ​യ​ലും മ​റ്റും പ​റ്റി​പ്പി​ടി​ച്ചി​രു​ന്നു. എ​ർ​ത്തി​ടാ​ൻ ഉ​പ​യോ​ഗി​ച്ച ഇ​ല​ക്ട്രി​ക് വ​യ​ർ കി​ര​ണി​ന്‍റെ വീ​ടി​ന്‍റെ പി​ന്നി​ൽ​നി​ന്ന്​ ക​ണ്ടെ​ത്തി. ര​ണ്ടാ​മ​തും എ​ർ​ത്ത​ടി​പ്പി​ച്ച കോ​യി​ൽ കി​ര​ൺ വ​ലി​ച്ചെ​റി​ഞ്ഞെ​ന്നാ​ണ് പൊ​ലീ​സി​നോ​ട് പ​റ​ഞ്ഞ​ത്. ഇ​തും പൊ​ലീ​സ് ക​ണ്ടെ​ത്താ​നു​ള്ള അ​ന്വേ​ഷ​ണ​ത്തി​ലാ​ണ്. വീ​ടി​നു​ള്ളി​ലെ സോ​ക്ക​റ്റി​ൽ​നി​ന്നാ​ണ് എ​ർ​ത്തി​ട്ട​തെ​ന്നും വൈ​ദ്യു​തി വ​കു​പ്പ് ജീ​വ​ന​ക്കാ​രു​ടെ പ​രി​ശോ​ധ​ന​യി​ൽ വ്യ​ക്ത​മാ​യി​ട്ടു​ണ്ട്.
ശ​നി​യാ​ഴ്ച വൈ​കീ​ട്ടാ​ണ് ദി​നേ​ശ​നെ മ​രി​ച്ച​നി​ല​യി​ൽ ക​ണ്ട​ത്. ശ​നി​യാ​ഴ്ച രാ​വി​ലെ വ​യ​ലി​ൽ ചൂ​ണ്ട​യി​ടാ​നെ​ത്തി​യ കു​ട്ടി​യാ​ണ് ദി​നേ​ശ​ൻ കി​ട​ക്കു​ന്ന​ത് ക​ണ്ട​ത്. വീ​ട്ടി​ലെ​ത്തി വി​വ​ര​ങ്ങ​ൾ പ​റ​ഞ്ഞെ​ങ്കി​ലും മ​ദ്യ​പി​ച്ച് കി​ട​ക്കു​ക​യാ​യി​രി​ക്കും എ​ന്നാ​ണ് ക​രു​തി​യ​ത്. എ​ന്നാ​ൽ, വൈ​കീ​ട്ടോ​ടെ​യും എ​ഴു​ന്നേ​ൽ​ക്കാ​തി​രു​ന്ന​തി​ൽ സം​ശ​യം തോ​ന്നി​യ നാ​ട്ടു​കാ​ർ വി​വ​രം പ​ഞ്ചാ​യ​ത്ത്​ അം​ഗം ര​ജി​ത് ര​മേ​ശ​നെ അ​റി​യി​ച്ചു. ഇ​ദ്ദേ​ഹം വി​വ​ര​മ​റി​യി​ച്ച​തി​നെ​ത്തു​ട​ർ​ന്ന് പു​ന്ന​പ്ര പൊ​ലീ​സ് എ​ത്തി​യ​പ്പോ​ഴാ​ണ് ദി​നേ​ശ​ൻ മ​രി​ച്ച​താ​യി അ​റി​യു​ന്ന​ത്. തു​ട​ർ​ന്ന് ന​ട​ത്തി​യ പോ​സ്റ്റ്മോ​ർ​ട്ടം റി​പ്പോ​ർ​ട്ടി​ലാ​ണ് വൈ​ദ്യു​താ​ഘാ​ത​മാ​ണ് മ​ര​ണ​കാ​ര​ണ​മെ​ന്ന​റി​ഞ്ഞ​ത്.
ദി​നേ​ശ​ന്‍റെ മ​ര​ണാ​ന​ന്ത​ര ച​ട​ങ്ങി​ൽ കി​ര​ൺ സ​ജീ​വ​മാ​യി​രു​ന്നു. ഷോ​ക്കേ​റ്റാ​ണ് മ​രി​ച്ച​തെ​ന്ന് വ്യ​ക്ത​മാ​യ​തോ​ടെ പൊ​ലീ​സ് സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി. എ​ന്നാ​ൽ, വൈ​ദ്യു​താ​ഘാ​ത​മേ​ൽ​ക്കേ​ണ്ട ചു​റ്റു​പാ​ടി​ല​ല്ല മൃ​ത​ദേ​ഹം കി​ട​ന്ന​ത്. തു​ട​ർ​ന്നാ​ണ് പ്ര​ദേ​ശ​ത്തെ വീ​ടു​ക​ൾ കേ​ന്ദ്രീ​ക​രി​ച്ച് വൈ​ദ്യു​തി വ​കു​പ്പ് ജീ​വ​ന​ക്കാ​രു​ടെ നേ​തൃ​ത്വ​ത്തി​ൽ പ​രി​ശോ​ധ​ന ന​ട​ത്തി​യ​ത്. വീ​ടു​ക​ളി​ൽ ന​ട​ത്തി​യ പ​രി​ശോ​ധ​ന​യി​ലാ​ണ് കി​ര​ണി​ന്‍റെ വീ​ട്ടി​ലെ മീ​റ്റ​റി​ൽ​നി​ന്ന്​ വെ​ള്ളി​യാ​ഴ്ച രാ​ത്രി അ​ധി​ക​വൈ​ദ്യു​തി ഉ​പ​യോ​ഗം ന​ട​ന്ന​താ​യി ക​ണ്ടെ​ത്തി​യ​ത്. തു​ട​ർ​ന്നാ​ണ് മൂ​ന്നു​പേ​രെ​യും പൊ​ലീ​സ് അ​റ​സ്റ്റ്​ ചെ​യ്ത​ത്.
കൊ​ല​പാ​ത​കം കി​ര​ണി​ന്‍റെ പി​താ​വ് കു​ഞ്ഞു​മോ​ൻ അ​റി​ഞ്ഞി​ട്ടും മൂ​ടി​വെ​ച്ചെ​ന്ന് പൊ​ലീ​സ് പ​റ​യു​ന്നു. ദി​നേ​ശ​ന്‍ വ​യ​ലി​ല്‍ കി​ട​ക്കു​ന്ന വി​വ​രം ചൂ​ണ്ട​യി​ടാ​നെ​ത്തി​യ കു​ട്ടി ആ​ദ്യം പ​റ​ഞ്ഞ​ത് അ​ശ്വ​മ്മ​യോ​ടാ​ണ്. മ​ദ്യ​പി​ച്ച് കി​ട​ക്കു​ന്ന​താ​യി​രി​ക്കു​മെ​ന്നും മ​റ്റാ​രോ​ടും പ​റ​യേ​ണ്ടെ​ന്നും അ​വ​ർ പ​റ​ഞ്ഞ​താ​യും പൊ​ലീ​സ് പ​റ​ഞ്ഞു.https://i0.wp.com/eveningkerala.com/wp-content/uploads/2022/07/cropped-ev-logo.jpg?fit=32%2C32&ssl=1