ജൂനിയർ വിദ്യാർഥികളെ റാ​ഗ് ചെയ്തു. കോഴിക്കോട് മെഡിക്കൽ കോളജിലെ രണ്ടാം വർഷ 11 എംബിബിഎസ് വി​ദ്യാർഥികൾക്ക് സസ്പെൻഷൻ

 കോഴിക്കോട്: കോഴിക്കോട് മെഡിക്കൽ കോളജിൽ ജൂനിയർ വിദ്യാർഥികളെ റാ​ഗ് ചെയ്ത സംഭവത്തിൽ  വിദ്യാർഥികൾക്ക് സസ്പെൻഷൻ.  
ഒന്നാം വർഷം എംബിബിഎസ് വി​ദ്യാർഥികളെ രണ്ടാം വർഷ വിദ്യാർഥികൾ കോളജ് ഹോസ്റ്റിലിൽ വെച്ച് റാ​ഗ് ചെയ്തുവെന്ന വിദ്യാർഥികളുടെ പരാതിയിലാണ് നടപടി. 11 എംബിബിഎസ് വിദ്യാർഥികൾക്കാണ് സസ്പെൻഷൻ.
 മാനസികമായും ശാരീരികമായും സീനിയർ വിദ്യാർഥികൾ തങ്ങളെ ഉപദ്രവിച്ചുവെന്നായിരുന്നു ജൂനിയർ വിദ്യാർഥികളുടെ പരാതി. ഇതിൽ പ്രിൻസിപ്പൽ അഞ്ചം​ഗ അന്വേഷണ സമിതിയെ നിയോ​ഗിച്ചിരുന്നു.
സമിതിയുടെ റിപ്പോർട്ടിന്റെ അടിസ്ഥാനത്തിലാണ് വിദ്യാർഥികളെ സസ്പെൻഡ് ചെയ്തത്. തുടർ നടപടിക്കായി റിപ്പോർട്ട് മെഡിക്കൽ കോളജ് പൊലീസിന് കൈമാറി.