‘ആത്മാവിന്റെ പുറത്തു സംഭവിക്കുന്ന സർജറി പോലെയാണ് റിലേഷൻഷിപ്പ്, അങ്ങനെ ഒരു സർജറി വേണമെങ്കിൽ വിവാഹം കഴിച്ചേക്കാം’: ലെന

മിനിസ്‌ക്രീനിലൂടെ ബിഗ് സ്‌ക്രീനിലെത്തി പ്രേക്ഷകരുടെ പ്രിയങ്കരിയായിമാറിയ താരമാണ് ലെന. ഇടക്കാലത്ത് അഭിനയത്തില്‍ നിന്നും ഇടവേളയെടുത്ത ലെന പിന്നീട് ശക്തമായി തിരികെ വരികയായിരുന്നു. തിരിച്ചുവരവില്‍ വേറിട്ട കഥാപാത്രങ്ങളിലൂടെ സ്വന്തമായൊരു ഇടം കണ്ടെത്താന്‍ ലെനയ്ക്ക് സാധിച്ചു. കോവിഡ് കാലത്ത് സോഷ്യല്‍ മീഡിയയിലും ലെന വളരെ സജീവമായിരുന്നു.
ആത്മീയ പാതയിലേക്ക് തിരിഞ്ഞ ലെന അടുത്തിടെ ‘ഓട്ടോബയോ?ഗ്രഫി ഓഫ് ?ഗോഡ്’ എന്ന പേരില്‍ ഒരു പുസ്തകം പുറത്തിറക്കിയിരുന്നു. ആത്മാവിനെക്കുറിച്ചും സ്വയം തിരിച്ചറിയലിനെക്കുറിച്ചുമൊക്കെയാണ് പുസ്തകം. ഇപ്പോഴിതാ 24 ന്യൂസിന് നല്‍കിയ അഭിമുഖത്തില്‍, തന്റെ പുസ്തകത്തെക്കുറിച്ച് സംസാരിക്കുന്നതിനിടെ ലെന പറഞ്ഞ വാക്കുകള്‍ ശ്രദ്ധനേടുകയാണ്. 
ലെനയുടെ വാക്കുകള്‍: 
‘നമ്മുടെ ശരീരം മരിച്ചാലും, ജീവന്‍ മരിക്കുന്നില്ല. എനിക്ക് ദൈവം എന്നാല്‍ ജീവിതമാണ്. ജാതിയും മതവും ഒക്കെ ഈ അറിവിലൂടെ ഞാന്‍ മറികടന്നു. ഇവിടെയുള്ള അദൃശ്യരൂപം ശ്വസിച്ചുകൊണ്ടാണ് നമ്മുടെയൊക്കെ ജീവന്‍ നിലനില്‍ക്കുന്നത്. എനിക്ക് ഇത്രയും സിംപിള്‍ ആണ് ദൈവം എന്ന കണ്‍സെപ്റ്റ്.  ഞാന്‍ പറയുന്നത് ഒന്നും മതപരമോ പൊളിറ്റിക്കലോ ആയ കാര്യങ്ങള്‍ അല്ല. ഞാന്‍ ഒരു മതവും ഫോളോ ചെയ്യാത്ത ആളാണ്. എന്നാല്‍ എല്ലാ മതത്തില്‍ പെട്ടവരും എന്റെ കുടുംബത്തില്‍ തന്നെ ഉണ്ട്. ഞാന്‍ എല്ലാ മതങ്ങളുടെയും ചിട്ടകള്‍ കണ്ടുവളര്‍ന്നതാണ്. പക്ഷേ അപ്പോഴാണ് പല മതങ്ങള്‍ എന്തിനാണ് എല്ലാം ഒന്നിലേക്ക് അല്ലെ എത്തുന്നത് എന്ന ചിന്തയാണ് എനിക്ക്. 
മുന്‍ജന്മത്തില്‍ വിശ്വസിക്കുന്ന ആളാണ്. കഴിഞ്ഞ ജന്മത്തില്‍ ഞാനൊരു ബുദ്ധ സന്യാസി ആയിരുന്നു. എനിക്ക് ഈ ജീവിതത്തില്‍ വലിയ ടെന്‍ഷനുകള്‍ ഒന്നുമില്ല. വലിയ പ്രാരാബ്ധങ്ങള്‍ ഇല്ലാത്ത ആളാണ് ഞാന്‍ ഇവിടെ. മെഡിറ്റേഷന്‍ ആണ് ഞാന്‍ ഇപ്പോള്‍ ഏറ്റവും കൂടുതല്‍ ആസ്വദിക്കുന്നത്. 23 വയസ്സുകാരി ലെനയ്ക്ക് മഷ്റൂം ട്രൈ ചെയ്യേണ്ട ആവശ്യമുണ്ടായിരുന്നില്ല എന്ന് പറയാനാകില്ല. കാരണം അത് എന്റെ ജീവിതത്തില്‍ സംഭവിക്കേണ്ടത് ആയിരുന്നു, സംഭവിച്ചു.
ഞാന്‍ ഇത് 20 വര്‍ഷങ്ങള്‍ക്ക് ശേഷം പറയാന്‍ കാരണം ഇന്നത്തെ തലമുറ പല കാര്യങ്ങളും പരീക്ഷിക്കുന്നവരാണ്. മഷ്റൂം ശരിക്കും നാച്ചുറല്‍ ആണ്. എങ്കിലും ഇത് ഡേഞ്ചര്‍ ആണെന്ന് ബോധിപ്പിക്കാന്‍ വേണ്ടിയാണു ഞാന്‍ പറഞ്ഞത്. ഞാന്‍ ക്ലിനിക്കല്‍ സൈക്കോളജിയില്‍ അഞ്ചുവര്‍ഷം പഠിച്ചു പ്രാക്ടീസ് ചെയ്ത ആളാണ്. എല്ലാ വശങ്ങളും ഞാന്‍ പഠിച്ച ശേഷമാണ് അത് ചെയ്തത്. അല്ലാതെ എന്ത് ഏത് എന്ന് നോക്കാതെ ഇന്നത്തെ ചെറുപ്പക്കാര്‍ ചെയ്ത പോലെ അല്ല ഞാന്‍ ചെയ്തത്. അത് ചെയ്യാന്‍ പാടില്ലാത്തതാണ്, പക്ഷെ വിധിയെന്ന പോലെ ഞാന്‍ ചെയ്തു.
ഒരു എന്‍ജോയ്‌മെന്റ് എന്നതിനേക്കാള്‍ ഉപരി മഷ്റൂം കഴിച്ചുകഴിഞ്ഞപ്പോള്‍ മെഡിറ്റേറ്റ് ചെയ്യാന്‍ ആണ് തോന്നിയത്. ദൈവം എന്താണ് എന്ന് അറിയണം എന്നുപറഞ്ഞുകൊണ്ടാണ് ഞാന്‍ മെഡിറ്റേറ്റ് ചെയ്യാന്‍ ഇരുന്നത്. അതിനുശേഷം ലഹരി ഉപയോഗിച്ചിട്ടില്ല’, ലെന പറഞ്ഞു. 
ഏകാന്തതയിലേക്ക് വരാന്‍ വേണ്ടിയാണോ കുടുംബം വേണ്ട എന്ന് വച്ചതെന്ന അവതാരകന്റെ ചോദ്യത്തോട്  ‘അങ്ങനെ അല്ല. മനസ്സില്‍ അങ്ങനെ ഒരു തീരുമാനം വന്നു, എടുത്തു. എന്റെ ബുക്ക് എഴുതുന്നവരെ എനിക്ക് ഒന്നും ചെയ്യാനാകില്ലായിരുന്നു. പന്ത്രണ്ടുവര്‍ഷം ഒരു തപസ്സുകാലം ആയിരുന്നു. ഇപ്പോള്‍ ഇത് എഴുതിക്കഴിഞ്ഞപ്പോള്‍ ഞാന്‍ ഫ്രീ ആയി. ഇനി വിവാഹം കഴിക്കുമോ ഇല്ലയോ എന്ന് എനിക്ക് അറിയില്ല. ആത്മാവിന്റെ പുറത്തു സംഭവിക്കുന്ന ഒരു സര്‍ജറി പോലെയാണ് റിലേഷന്‍ഷിപ്പ്. അങ്ങനെ ഒരു സര്‍ജറി വേണമെങ്കില്‍ വിവാഹം കഴിച്ചേക്കാം’ എന്നാണ് ലെന മറുപടി പറഞ്ഞത്.