കൊച്ചി∙ മറൈന്‍ ഡ്രൈവില്‍ ഫ്ലവര്‍ ഷോ കാണാനെത്തിയ യുവതിക്കു വീണ് ഗുരുതര പരുക്ക്. ചെലവന്നൂര്‍ സ്വദേശിനി ബിന്ദുവിനാണ് പരുക്കേറ്റത്.
ഉമ തോമസ് എംഎല്‍എ കലൂര്‍ സ്റ്റേഡിയത്തിലെ നൃത്തപരിപാടിക്കിടെ അപകടത്തില്‍പ്പെട്ടതിന്‍റെ ഞെട്ടൽ മാറുന്നതിനു മുൻപാണ് വീണ്ടും ഇത്തരത്തിലൊരപകടം ഉണ്ടാകുന്നത്. ഒരാഴ്ചയായി നടക്കുന്ന, ഇന്ന് അവസാനിക്കേണ്ടിയിരുന്ന പരിപാടി ഉമ തോമസിന്റെ അപകടത്തിന്റെ പശ്ചാത്തലത്തിൽ സുരക്ഷാ പ്രശ്നങ്ങൾ ചൂണ്ടിക്കാട്ടി കൊച്ചി കോർപറേഷൻ നിർത്തിവയ്ക്കാൻ ഉത്തരവിട്ടിരുന്നു.
ബിന്ദുവിന് കൈയ്ക്ക് ഗുരുതര പരിക്കാണ് ഏറ്റിരിക്കുന്നത്, കൈയ്യുെടെ ചലനശേഷി നഷ്ടപ്പെടുമോ എന്ന ആശങ്കയിലാണു കുടുംബം. ഫ്ളവർ ഷോ നടക്കുന്നിടത്ത് ഫസ്റ്റ് എയ്ഡ് സംവിധാനം പോലും ഇല്ലായിരുന്നെന്നു കുടുംബം ആരോപിച്ചു.
പവിലിയനിൽ വെള്ളം കെട്ടി ചെളി നിറഞ്ഞു കിടക്കുന്നതിനാൽ, ഷോ കാണാൻ എത്തുന്നവർക്കു നടക്കാനായി ഇട്ടിരുന്ന പ്ലൈവുഡ് പലകയിൽ തെന്നിവീണാണ് ബിന്ദുവിന്റെ കയ്യിൽ രണ്ട് ഒടിവുണ്ടായത്. എറണാകുളത്തെ സ്വകാര്യ ആശുപത്രിയിൽ ചികിത്സയിലാണ് ബിന്ദു. സംഭവത്തിൽ ജില്ലാ കലക്ടർക്കും ജിസിഡിഎ സെക്രട്ടറിക്കും കുടുംബം പരാതി നൽകി.
കൊച്ചി മറൈന്‍ ഡ്രൈവില്‍ ഫ്ലവര്‍ ഷോ കാണാനെത്തിയ യുവതിക്കു വീണ് ഗുരുതര പരുക്ക്. ചെലവന്നൂര്‍ സ്വദേശിനി ബിന്ദുവിനാണ് പരുക്കേറ്റത്
Byadmin
Jan 2, 2025