തിരുവനന്തപുരം: കേരള പബ്ലിക് സര്‍വീസ് കമ്മീഷന്‍ അഭിമുഖം നിശ്ചയിച്ച തീയതിയില്‍ മാറ്റം ആവശ്യപ്പെട്ടുള്ള ഉദ്യോഗാര്‍ത്ഥികളുടെ അപേക്ഷകൾ ഇനിമുതൽ പ്രൊഫൈലുകൾ വഴി മാത്രമേ സ്വീകരിക്കുകയുള്ളു. ജനുവരി ഒന്നോടെ പുതിയ പരിഷ്കരണം പ്രാബല്യത്തില്‍ വരുമെന്നാണ് റിപ്പോർട്ട്. പുതിയ ഉത്തരവിന്റെ അടിസ്ഥാനത്തിൽ തപാല്‍, ഇ-മെയില്‍ വഴി സമര്‍പ്പിക്കുന്ന അപേക്ഷ പരിഗണിക്കില്ലെന്ന് പഎസ്‍സി അറിയിച്ചു.
പ്രൊഫൈലില്‍ പ്രവേശിച്ചാല്‍ റിക്വസ്റ്റ് എന്ന ടൈറ്റിലില്‍ കാണുന്ന ഇന്റര്‍വ്യൂ ഡേറ്റ് ചേഞ്ച് എന്ന ലിങ്കില്‍ ക്ലിക്ക് ചെയ്താണ് അപേക്ഷ സമര്‍പ്പിക്കേണ്ടത്. ആവശ്യമായ രേഖകള്‍ സഹിതം അഭിമുഖ തീയതിക്കു മുന്‍പായി സമര്‍പ്പിക്കുന്നതും നിശ്ചയിച്ച ഇന്റര്‍വ്യൂ ഷെഡ്യൂളില്‍ ഉള്‍പ്പെടുത്താന്‍ പറ്റുന്നതുമായ അപേക്ഷകള്‍ മാത്രമേ പരിഗണിക്കുകയുള്ളൂ.
പിഎസ്‍സി അഭിമുഖത്തിനായി ക്ഷണിക്കുന്ന ദിവസം മറ്റു പിഎസ്‍സി പരീക്ഷയിലോ, സംസ്ഥാന, ദേശീയ തലത്തിലുള്ള മത്സര പരീക്ഷയിലോ, യൂണിവേഴ്സിറ്റി പരീക്ഷയിലോ പങ്കെടുക്കേണ്ടിവരുന്ന ഉദ്യോഗാര്‍ത്ഥിക്ക് പുതിയ തീരുമാനം ഉപകാരപ്പെടും.
പിഎസ്‍സി അഭിമുഖ തിയതി മാറ്റാം. പ്രൊഫൈലുകൾ വഴി മാത്രം അപേക്ഷിക്കാം. പുതിയ ഉത്തരവുമായി കേരള പബ്ലിക് സര്‍വീസ് കമ്മീഷന്‍
Byadmin
Dec 31, 2024