തിരുവനന്തപുരം: പെരിയ ഇരട്ടക്കൊലയില്‍ സി.പി.എമ്മും കോണ്‍ഗ്രസുമായി ഒത്തു തീര്‍പ്പുണ്ടായതിനാലാണ് 10 പ്രതികളെ വെറുതെവിട്ടതെന്ന് ബിജെപി സംസ്ഥാന അധ്യക്ഷന്‍ കെ സുരേന്ദ്രന്‍.
കേരളാ പൊലീസാണ് കേസ് അന്വേഷിച്ചതെങ്കില്‍ എല്ലാ പ്രതികളെയും വെറുതെ വിട്ടേനെയെന്നും അദ്ദേഹം പറഞ്ഞു. ടിപി ചന്ദ്രശേഖരന്‍ കൊലപാതകത്തിന് ശേഷം സിപിഎമ്മിന്റെ ഉന്നതരായ നേതാക്കള്‍ ശിക്ഷിക്കപ്പെട്ട മറ്റൊരു കേസാണ് ഇത്
തൃശ്ശൂരിലെ കേക്ക് വിവാദത്തില്‍ വിഎസ് സുനില്‍കുമാറിന്റേത് അനാവശ്യ പ്രതികരണമാണെന്നും അദ്ദേഹം കുറ്റപ്പെടുത്തി.
തൃശ്ശൂര്‍ മേയറെ മാത്രമല്ല തങ്ങള്‍ കണ്ടതെന്നും തൃശ്ശൂരില്‍ സുരേഷ് ഗോപി ജയിച്ചത് ബിജെപിക്കാരുടെ മാത്രം വോട്ട് കൊണ്ടല്ല. തൃശ്ശൂരിലെ തോല്‍വിയുടെ കാരണം പരിശോധിച്ച് തിരുത്തുകാണ് സുനില്‍കുമാര്‍ ചെയ്യേണ്ടത്.
ഇതുവരെ ഒരു ക്രിസ്മസ് ആശംസയെങ്കിലും സുനില്‍കുമാര്‍ നല്‍കിയിട്ടുണ്ടോ? ഞങ്ങള്‍ ഒരു നല്ല കാര്യം ചെയ്തതിനെ എന്തിനാണ് വിമര്‍ശിക്കുന്നത്?
സുനില്‍കുമാറിന്റെ പ്രതികരണത്തില്‍ നിന്ന് അദ്ദേഹത്തിന് പിന്നോട്ട് പോകേണ്ടി വന്നത് ജനം അത് അംഗീകരിക്കാത്തത് കൊണ്ടാണ്. രാഷ്ട്രീയത്തില്‍ എന്തിനാണ് ക്രിസ്തുമസ് ചര്‍ച്ചയാക്കുന്നതെന്നും അദ്ദേഹം ചോദിച്ചു.