തിരുവനന്തപുരം: ക്രിസ്മസ് ആഘോഷത്തിന്റെ ഒരുക്കങ്ങള്‍ക്കിടെ മരത്തില്‍ നിന്നും വീണ് യുവാവ് മരിച്ച നിലയില്‍. കിളിമാനൂര്‍ ആലത്തുകാവ് സ്വദേശി അജിനാ(24)ണ് മരിച്ചത്.
ക്രിസ്മസ് അലങ്കാരങ്ങള്‍ക്കായി മരത്തില്‍ കയറിയപ്പോള്‍ കാല്‍ തെന്നി താഴേക്ക് വീഴുകയായിരുന്നു. തുടര്‍ന്ന് സ്വകാര്യ ആശുപത്രിയില്‍ ചികിത്സ തേടിയിരുന്നു. തലയ്ക്ക് സ്‌കാന്‍ ചെയ്യുന്നത് ഉള്‍പ്പെടെ വിദഗ്ധ ചികിത്സ നിര്‍ദേശിച്ചിരുന്നെങ്കിലും ചെയ്തിരുന്നില്ല.
തുടര്‍ന്ന് ഇന്ന് രാവിലെ അജിനെ മുറിയില്‍ മരിച്ച നിലയില്‍ കണ്ടെത്തുകയായിരുന്നു. തലയ്‌ക്കേറ്റ ക്ഷതമേറ്റതാകാം മരണകാരണമെന്നാണ് നിഗമനം.
അലങ്കരിക്കാന്‍ മരത്തില്‍ കയറിയപ്പോള്‍ താഴെ വീണ് തലയ്ക്ക് ക്ഷതമേറ്റു; സ്‌കാന്‍ ചെയ്യാന്‍ നിര്‍ദ്ദേശിച്ചെങ്കിലും ചെയ്തില്ല; യുവാവ് മരിച്ച നിലയില്‍
Byadmin
Dec 25, 2024