ഡല്‍ഹി: വൃന്ദാവനിലെ താക്കൂര്‍ ബങ്കേബിഹാരി ക്ഷേത്രത്തിലെത്തുന്ന സന്ദര്‍ശകരോട് മാന്യമായി വസ്ത്രം ധരിക്കാനും’ ക്ഷേത്ര പരിസരത്ത് ‘അനാചാരമായ വസ്ത്രങ്ങള്‍’ ധരിക്കുന്നത് ഒഴിവാക്കാനും നിര്‍ദ്ദേശിച്ച് ക്ഷേത്ര ഭാരവാഹികള്‍.
പുതുവര്‍ഷത്തിന് മുന്നോടിയായി ക്ഷേത്രത്തിലെ തിരക്ക് കണക്കിലെടുത്താണ് പുതിയ തീരുമാനം.
മിനി സ്‌കേര്‍ട്ട്, കീറിയ ജീന്‍സ്, ഹാഫ് പാന്റ്‌സ്, നൈറ്റ് സ്യൂട്ടുകള്‍ തുടങ്ങിയ വസ്ത്രങ്ങള്‍ ക്ഷേത്രത്തിന് അനുയോജ്യമല്ല, ഇത് സ്ഥലത്തിന്റെ പവിത്രതയും അന്തസ്സും ഇല്ലാതാക്കുന്നു,’ ക്ഷേത്രം അധികൃതര്‍ പറഞ്ഞു
ചാനലുകളിലൂടെയും ബാനറുകളിലൂടെയും നഗരത്തിലുടനീളം, പ്രത്യേകിച്ച് റോഡുകളില്‍, ക്ഷേത്രത്തിലേക്കുള്ള വഴികളിലൂടെയും ഇക്കാര്യം അഭ്യര്‍ത്ഥിച്ചു.
ക്ഷേത്രത്തിന്റെ ‘സാംസ്‌കാരിക അന്തസ്സ്’ സംരക്ഷിക്കുക എന്ന ലക്ഷ്യത്തോടെയാണ് ഈ സംരംഭം നടത്തുന്നതെന്ന് ക്ഷേത്ര മാനേജര്‍ മുനീഷ് ശര്‍മ്മ പറഞ്ഞു
ജീന്‍സും ടീ ഷര്‍ട്ടും പോലുള്ള കാഷ്വല്‍ ടൂറിസ്റ്റ് വസ്ത്രങ്ങള്‍ ധരിച്ച്, പ്രത്യേകിച്ച് പ്രദേശത്തിന് പുറത്ത് നിന്നുള്ള ഭക്തര്‍ എത്തുന്ന സംഭവങ്ങള്‍ ഞങ്ങള്‍ കണ്ടിട്ടുണ്ട്. ഇത് ക്ഷേത്രത്തിന്റെ പാരമ്പര്യത്തോടുള്ള ബഹുമാനത്തെ പിന്തുടരുന്നതല്ലെന്നും അദ്ദേഹം പറഞ്ഞു.