അതിശക്തമായ മഴ തുടരും. രണ്ട് വടക്കൻ ജില്ലകളിൽ ഓറഞ്ച് അലർട്ട്. ശബരിമലയിൽ ഇടിമിന്നൽ ജാഗ്രത

തിരുവനന്തപുരം: സംസ്ഥാനത്ത് അതിശക്തമായ മഴ തുടരുമെന്ന് കേന്ദ്ര കാലാവസ്ഥാ വകുപ്പിൻ്റെ മുന്നറിയിപ്പ്.
വടക്കൻ കേരളത്തിൽ രണ്ട് ജില്ലകളിൽ അതിശക്തമായ മഴ ലഭിക്കും. കാസർഗോഡ്, കണ്ണൂർ ജില്ലകളിൽ ഓറഞ്ച് അലർട്ട് പ്രഖ്യാപിച്ചിട്ടുണ്ട്.
വയനാട് മുതൽ എറണാകുളം വരെയുള്ള  ജില്ലകളിൽ ഇന്ന് യെല്ലോ അലർട്ടും നൽകിയിട്ടുണ്ട്. ശബരിമലയിൽ സന്നിധാനത്തും പമ്പയിലും നിലയ്ക്കലിലും ഇടിമിന്നൽ മുന്നറിയിപ്പും നൽകിയിട്ടുണ്ട്.
കണ്ണൂർ, കാസർഗോഡ്  ജില്ലകളിൽ കേന്ദ്ര കാലാവസ്ഥവകുപ്പ് ഓറഞ്ച് അലർട്ട് പ്രഖ്യാപിച്ചിരിക്കുന്നു. ഒറ്റപ്പെട്ടയിടങ്ങളിൽ അതിശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്.