മനാമ : മുന്‍ ഇന്ത്യന്‍ പ്രധാനമന്ത്രിയും കോണ്‍ഗ്രസ് നേതാവുമായിരുന്ന ഇന്ദിര ഗാന്ധിയുടെ ജന്മദിനത്തിന്റെ ഭാഗമായി ഐ. വൈ. സി. സി ബഹ്റൈന്‍ ദേശീയ കമ്മിറ്റി നടത്തിയ ഓണ്‍ലൈന്‍ ക്വിസ് മത്സരത്തിലെ വിജയികളെ പ്രഖ്യാപിച്ചു.
നൂറോളം മത്സരാര്‍ത്ഥികള്‍ പങ്കെടുത്ത മത്സരത്തില്‍ എല്ലാ ചോദ്യങ്ങള്‍ക്കും ഉത്തരം നല്‍കിയ മുഹമ്മദ് റജാസ്, ശിബ്ലി ആവാസ്, അഷ്റഫ് എ.പി, അഹ്‌മദ് ഫാറൂഖി എന്നിവരെ ആദ്യ വിജയികളായും 15 ല്‍ 14 ഉത്തരങ്ങള്‍ ശരിയായി നല്‍കിയ സാജിദ കുക്കരബേട്ടു, മനോജ് എബ്രഹാം ജോര്‍ജ്, വിഷ്ണു ജയകുമാര്‍, റോബിന്‍ കോശി, മണികണ്ഠന്‍ ചന്ദ്രോത്ത്, നിധിന്‍ ചെറിയാന്‍, കണ്ണന്‍ നായര്‍, കുഞ്ഞിമുഹമ്മദ് കല്ലുങ്ങല്‍ എന്നിവരെ രണ്ടാം സ്ഥാനക്കാരായും തിരഞ്ഞെടുത്തു.
വിജയികള്‍ക്ക് ഐ. വൈ. സി. സി ബഹ്റൈന്‍ പൊതുപരിപാടിയില്‍ സര്‍ട്ടിഫിക്കറ്റുകളും, സമ്മാനവും വിതരണം ചെയ്യുന്നതാണ് എന്ന് ഐ.വൈ.സി.സി ബഹ്റൈന്‍ ഭാരവാഹികള്‍ അറിയിച്ചു.
ഇന്ദിര ഗാന്ധിയുടെ ജന്മദിനാഘോഷം. ഐ. വൈ. സി. സി ക്വിസ് മത്സര വിജയികളെ പ്രഖ്യാപിച്ചു
Byadmin
Dec 2, 2024