മനാമ: കോഴിക്കോട് ജില്ലാ പ്രവാസി ഫോറം (കെ.പി.എഫ്. ബഹ്‌റൈന്‍) മെമ്പേഴ്‌സ് നൈറ്റ് സഗായ കെ.സി.എ. ഹാളില്‍ സംഘടിപ്പിച്ചു. ബഹ്‌റൈന്‍ പാര്‍ലമെന്റ് അംഗം ഡോ: ഹസന്‍ ഈദ് റാഷിദ് ബുക്കുമ്മാസ് ഉദ്ഘാടനം ചെയ്തു.
ബഹ്‌റൈന്‍ കേരളീയ സമാജം ജനറല്‍ സെക്രട്ടറി വര്‍ഗീസ് കാരക്കല്‍ മുഖ്യാതിഥിയായിരുന്നു. കെ.പി.എഫ്. പ്രസിഡന്റ് ജമാല്‍ കുറ്റിക്കാട്ടിലിന്റെ അധ്യക്ഷതയില്‍ ചേര്‍ന്ന യോഗത്തിന് ജനറല്‍ സെക്രട്ടറി ഹരീഷ് പി.കെ. സ്വാഗതവും ബാംസുരി കണ്‍വീനര്‍ അരുണ്‍ പ്രകാശ് നന്ദിയും രേഖപ്പെടുത്തി.
ഐമാക്ക് ബഹ്‌റൈന്‍ മീഡിയാ സിറ്റി ചെയര്‍മാന്‍ ഫ്രാന്‍സിസ് കൈതാരത്ത്, ന്യൂ ഇന്ത്യന്‍ സ്‌കൂള്‍ പ്രിന്‍സിപ്പാള്‍ ഗോപിനാഥ മേനോന്‍, കെ.സി.എ. പ്രസിഡന്റ് ജെയിംസ് ജോണ്‍, ഷംസുദീന്‍ വെള്ളി കുളങ്ങര (കെ.എം.സി.സി), കെ.പി.എഫ്. ട്രഷറര്‍ ഷാജി പുതുക്കുടി, രക്ഷാധികാരികളായ സുധീര്‍ തിരുന്നിലത്ത്, കെ.ടി. സലീം, യു.കെ. ബാലന്‍, ലേഡീസ് വിംഗ് കണ്‍വീനര്‍ രമാ സന്തോഷ് എന്നിവര്‍ ആശംസകള്‍ അറിയിച്ചു സംസാരിച്ചു.
കെ.പി.എഫ്. കുടുംബാംഗങ്ങള്‍ അണിയിച്ചൊരുക്കിയ നിരവധി കലാ പരിപാടികള്‍ അരങ്ങിലെത്തിച്ചു. തിരുവാതിര, ഒപ്പന, മാര്‍ഗം കളി, പാട്ടുകള്‍, മിമിക്രി തുടങ്ങി നിരവധി കലാരൂപങ്ങളും ആരവം നാടന്‍ പാട്ട് സംഘത്തിന്റെ നാടന്‍ പാട്ടും അരങ്ങേറി.
ടൈറ്റില്‍ സ്‌പോണ്‍സര്‍ ജീന്‍സ് അവന്യുവിനെയും മറ്റ് മെയിന്‍ സ്‌പോണ്‍സര്‍മാരെയും വേദിയില്‍ ആദരിച്ചു. കെ.പി.എഫ്. എക്‌സിക്യൂട്ടീവ് ലേഡീസ് വിങ് അംഗങ്ങള്‍ കലാപരിപാടികള്‍ക്ക് നേതൃത്വം നല്‍കി. പ്രിയംവദ, രാജീവ് കെ.പി. എന്നിവര്‍ ചേര്‍ന്ന് കാര്യപരിപാടികള്‍ നിയന്ത്രിച്ചു.
