ഉത്തരകൊറിയ: യുഎസിലെ പ്രസിഡന്റ് തിരഞ്ഞെടുപ്പിന് ഏതാനും മണിക്കൂറുകള്‍ മാത്രം ശേഷിക്കെ, ഉത്തരകൊറിയ കിഴക്കന്‍ കടലിലേക്ക് ഒന്നിലധികം ഹ്രസ്വദൂര ബാലിസ്റ്റിക് മിസൈലുകള്‍ തൊടുത്തുവിട്ടതായി ദക്ഷിണ കൊറിയയുടെയും ജപ്പാന്റെയും സൈന്യം സ്ഥിരീകരിച്ചു.
തലസ്ഥാനമായ പ്യോങ്യാങ്ങിന്റെ തെക്ക് ഭാഗത്തുള്ള നോര്‍ത്ത് ഹ്വാങ്ഹേയിലെ പടിഞ്ഞാറന്‍ പ്രവിശ്യയിലെ സരിവോണ്‍ പ്രദേശത്ത് നിന്ന് രാവിലെ 7:30 ഓടെ വിക്ഷേപണങ്ങള്‍ കണ്ടെത്തിയതായി ദക്ഷിണ കൊറിയയുടെ ജോയിന്റ് ചീഫ് ഓഫ് സ്റ്റാഫ് (ജെസിഎസ്) പറഞ്ഞു.സരിവോണില്‍ നിന്ന് വിക്ഷേപിച്ചതിന് ശേഷം മിസൈലുകള്‍ 400 കിലോമീറ്റര്‍ പറന്നതായി റിപ്പോര്‍ട്ട്.
അതിനിടെ, ഉത്തരകൊറിയ വിക്ഷേപിച്ചത് ബാലിസ്റ്റിക് മിസൈല്‍ ആണെന്നും അത് ഇതിനകം വീണുപോയതായി തോന്നുന്നുവെന്നും ജാപ്പനീസ് പ്രതിരോധ മന്ത്രാലയം അറിയിച്ചു.ഡെമോക്രാറ്റിക് പ്രസിഡന്റ് സ്ഥാനാര്‍ത്ഥി കമലാ ഹാരിസും റിപ്പബ്ലിക്കന്‍ സ്ഥാനാര്‍ത്ഥി. ഡൊണാള്‍ഡ് ട്രംപും തമ്മിലുള്ള വോട്ടെടുപ്പിനായി അമേരിക്ക തെരഞ്ഞെടുപ്പിലേക്ക് പോകുന്നതിന് മണിക്കൂറുകള്‍ക്ക് മുമ്പാണ് ഉത്തര കൊറിയന്‍ മിസൈലുകളുടെ വിക്ഷേപണം നടന്നത്.
യുഎസ് തിരഞ്ഞെടുപ്പിന് മുന്നോടിയായി ഹ്രസ്വദൂര ബാലിസ്റ്റിക് മിസൈലുകള്‍ വിക്ഷേപിച്ച് ഉത്തരകൊറിയ
Byadmin
Nov 5, 2024