ഒട്ടാവ: കാനഡയിലെ ക്ഷേത്രത്തില്‍ ഹിന്ദു ഭക്തര്‍ക്ക് നേരെയുണ്ടായ ആക്രമണത്തെ അംഗീകരിക്കാനാവില്ലെന്ന് പ്രധാനമന്ത്രി ജസ്റ്റിന്‍ ട്രൂഡോ. ഓരോ കാനഡക്കാരനും അവരുടെ വിശ്വാസം സ്വതന്ത്രമായും സുരക്ഷിതമായും ആചരിക്കാന്‍ അവകാശമുണ്ടെന്നും അദ്ദേഹം ചൂണ്ടിക്കാട്ടി.
കാനഡയിലെ ഹിന്ദു ക്ഷേത്രത്തില്‍ ഖാലിസ്ഥാന്‍ അനുകൂല സംഘം ഭക്തരെ ആക്രമിച്ചതിനെ അപലപിക്കുകയായിരുന്നു പ്രധാനമന്ത്രി. തിങ്കളാഴ്ച ബ്രാംപ്ടണിലെ ഒരു ക്ഷേത്രത്തിലാണ് ആക്രമണം നടന്നത്.
രാജ്യത്ത് നടക്കുന്ന അക്രമ പ്രവര്‍ത്തനങ്ങള്‍ അംഗീകരിക്കാനാവില്ലെന്ന് ട്രൂഡോ പറഞ്ഞു. സംഭവത്തെത്തുടര്‍ന്ന് വേഗത്തില്‍ പ്രതികരിച്ച പോലീസിനും അദ്ദേഹം നന്ദി പറഞ്ഞു.
ക്ഷേത്രത്തിന് പുറത്ത് ഒരു സംഘം ആളുകള്‍ വടികള്‍ വീശി ഭക്തരെ ആക്രമിക്കുന്ന ദൃശ്യങ്ങള്‍ പുറത്തുവന്നിട്ടുണ്ട്. കനേഡിയന്‍ എംപിമാര്‍ ഉള്‍പ്പെടെ നിരവധി പേരാണ് ഈ വീഡിയോകള്‍ സമൂഹമാധ്യമങ്ങളില്‍ പങ്കുവച്ചിരിക്കുന്നത്.
ഓരോ കാനഡക്കാരനും അവരുടെ വിശ്വാസം സ്വതന്ത്രമായും സുരക്ഷിതമായും ആചരിക്കാന്‍ അവകാശമുണ്ട്: കാനഡയിലെ ക്ഷേത്രത്തില്‍ ഹിന്ദു ഭക്തര്‍ക്ക് നേരെയുണ്ടായ ആക്രമണത്തെ അംഗീകരിക്കാനാവില്ലെന്ന് ജസ്റ്റിന്‍ ട്രൂഡോ
Byadmin
Nov 4, 2024