ജയ്പൂര്‍: രാജസ്ഥാനിലെ ദൗസയില്‍ കുഴല്‍ക്കിണറില്‍ വീണ രണ്ടര വയസുകാരിയെ രക്ഷിക്കാനുള്ള ശ്രമങ്ങള്‍ പുരോഗമിക്കുന്നു.
കുഴല്‍ക്കിണറില്‍ 35 അടി താഴ്ചയിലാണ് കുട്ടി കുടുങ്ങിക്കിടക്കുന്നത്. കുഴിക്ക് സമാന്തരമായി മറ്റൊരു കുഴിയെടുക്കുന്ന പ്രവര്‍ത്തനമാണ് ഇപ്പോള്‍ പുരോഗമിക്കുന്നത്. കുഴല്‍ക്കിണറില്‍ നിന്ന് 15 അടി അകലെയാണ് കുഴിയെടുക്കുന്നത്.
‘കുഞ്ഞിനെ രക്ഷിക്കാനുള്ള നീക്കങ്ങള്‍ ദ്രുതഗതിയില്‍ പുരോഗമിക്കുകയാണ്. കുട്ടിയുടെ ചലനങ്ങളും അവസ്ഥയും കുഴിയില്‍ ഇറക്കിയ ക്യാമറ വഴി നിരീക്ഷിക്കുന്നുണ്ട്. സ്ഥലത്ത് മെഡിക്കല്‍ സംഘമുള്‍പ്പടെ എത്തിയിട്ടുണ്ട്’, ദൗസ എസ് പി പറഞ്ഞു.
സംസ്ഥാന-ദേശീയ ദുരന്ത നിവാരണ സേനകളും പൊലീസും സംയുക്തമായാണ് രക്ഷാപ്രവര്‍ത്തനം നടത്തുന്നത്. കുഴല്‍ക്കിണറിനുള്ളില്‍ കുട്ടിക്ക് ഓക്സിജന്‍ ലഭിക്കാനുള്ള സജ്ജീകരണങ്ങള്‍ ഒരുക്കിയിട്ടുള്ളതായും പൊലീസ് വ്യക്തമാക്കി.
വീടിന് സമീപമുള്ള കൃഷിയിടത്തില്‍ കളിക്കവെയാണ് കുട്ടി തുറന്നുകിടന്ന കുഴല്‍ക്കിണറില്‍ വീണത്. ബുധനാഴ്ച വൈകീട്ടായിരുന്നു സംഭവം.
രാജസ്ഥാനില്‍ രണ്ടരവയസുകാരി കുഴല്‍ക്കിണറില്‍ വീണു, കുട്ടി കുടുങ്ങിക്കിടക്കുന്നത് കുഴല്‍ക്കിണറില്‍ 35 അടി താഴ്ചയില്‍; രക്ഷാപ്രവര്‍ത്തനം പുരോഗമിക്കുന്നു
Byadmin
Sep 19, 2024