വടക്കാഞ്ചേരി: സംസ്ഥാനപാതയില്‍ കെ.എസ്.ആര്‍.ടി.സിയുടെ സൂപ്പര്‍ ഡീലക്‌സ് എയര്‍ബസ് നിയന്ത്രണംവിട്ട് പാടത്തേക്കു ചെരിഞ്ഞ് അപകടം. യാത്രക്കാര്‍ അത്ഭുതകരമായി രക്ഷപ്പെട്ടു. റോഡില്‍നിന്ന് ബസിന്റെ പകുതിഭാഗം പാടത്തേക്ക് പതിച്ച നിലയിലാണ്.
പുലര്‍ച്ചെ മൂന്നിന് തൃശൂര്‍-ഷൊര്‍ണൂര്‍ സംസ്ഥാനപാതയില്‍ അകമല വളവിലാണ് സംഭവം. സുല്‍ത്താന്‍ബത്തേരിയില്‍നിന്നു കൊട്ടാരക്കരയിലേക്ക് പോയ കെ.എസ്.ആര്‍.ടി.സി. ബസാണ് അപകടത്തില്‍പ്പെട്ടത്. ബ്രേക്ക് നഷ്ടപ്പെട്ട് സ്റ്റിയറിംഗ് പ്രവര്‍ത്തിക്കാതായതാണ് അപകടകാരണമെന്നാണ് പറയുന്നത്. കഴിഞ്ഞ ദിവസം ഇവിടെ കാര്‍ അപകടത്തില്‍ വയോധിക മരിച്ചിരുന്നു.
കെ.എസ്.ആര്‍.ടി.സിയുടെ സൂപ്പര്‍ ഡീലക്‌സ് എയര്‍ബസ് നിയന്ത്രണംവിട്ട് പാടത്തേക്കു ചെരിഞ്ഞ് അപകടം
Byadmin
Sep 12, 2024