കുവൈറ്റ്: ഫലസ്തീനികളെ നിര്‍ബന്ധിതമായി മാറ്റിപ്പാര്‍പ്പിക്കാനും അന്താരാഷ്ട്ര, മാനുഷിക നിയമങ്ങളുടെ ലംഘനം തുടരുന്ന വര്‍ദ്ധന, കൊലപാതകങ്ങള്‍, ക്രമരഹിതമായ നാശങ്ങള്‍ എന്നിവയ്ക്കുമുള്ള ഇസ്രായേല്‍ അധിനിവേശത്തിന്റെ ആഹ്വാനങ്ങള്‍ കുവൈറ്റ് ഭരണകൂടം നിരസിച്ചതായി വിദേശകാര്യ മന്ത്രി ഷെയ്ഖ് സലേം അല്‍അബ്ദുല്ലവെള്ളിയാഴ്ചസ്ഥിരീകരിച്ചു.
നൂറുകണക്കിന് നിരപരാധികളായ ഇരകളുടെ മരണത്തിലേക്ക് നയിച്ച ബോംബാക്രമണത്തിലും ഉപരോധത്തിലും ദുരിതമനുഭവിക്കുന്ന ഫലസ്തീന്‍ ജനതയെ ഈ ആഹ്വാനങ്ങള്‍ കൂടുതല്‍ ദുരിതത്തിലേക്ക് നയിക്കുമെന്ന് വിദേശകാര്യ മന്ത്രി കുനയ്ക്ക് നല്‍കിയ പ്രസ്താവനയില്‍ പറഞ്ഞു.
ഈ അപകടകരമായ വര്‍ദ്ധനവ് തടയാനും സിവിലിയന്‍-സൈനിക ലക്ഷ്യങ്ങള്‍ തമ്മില്‍ വ്യത്യാസമില്ലാത്ത ഈ ക്രൂരമായ യുദ്ധം അവസാനിപ്പിക്കാനും അന്താരാഷ്ട്ര സമൂഹവും രക്ഷാസമിതിയും അടിയന്തരമായി ഇടപെടണമെന്ന് അദ്ദേഹം ആവശ്യപ്പെട്ടു.
സിവിലിയന്മാരെ ലക്ഷ്യം വയ്ക്കുന്നത് നിര്‍ത്താനും എല്ലാവരും അവരുടെ രാഷ്ട്രീയവും മാനുഷികവുമായ ഉത്തരവാദിത്തങ്ങള്‍ ഏറ്റെടുക്കാനും അന്താരാഷ്ട്ര സമൂഹം ഉപരോധം പിന്‍വലിക്കാനും മാനുഷികവും വൈദ്യസഹായവും വെള്ളവും ഭക്ഷണവും നല്‍കുന്നതും ഉറപ്പാക്കാനും ഉടന്‍ നീങ്ങണമെന്നും വിദേശകാര്യ മന്ത്രി ആവശ്യപ്പെട്ടു.
ഐക്യരാഷ്ട്രസഭയിലൂടെയും അതിന്റെ അനുബന്ധ ഏജന്‍സികളിലൂടെയും മാനുഷിക കാര്യങ്ങളുമായി ബന്ധപ്പെട്ട സര്‍ക്കാരിതര സംഘടനകളിലൂടെയും സഹോദരങ്ങളായ ഫലസ്തീന്‍ ജനതയ്ക്ക് വെള്ളവും ഭക്ഷണവും മരുന്നും നല്‍കണമെന്ന് അവര്‍ത്തിച്ചു.
സിവിലിയന്മാരെ ലക്ഷ്യം വയ്ക്കുന്നത് അവസാനിപ്പിക്കാനും ഉപരോധം പിൻവലിക്കാനും ഫലസ്തീൻ ജനതയ്ക്കുള്ള സഹായം ഉറപ്പാക്കാനും അന്താരാഷ്ട്ര സമൂഹം ഇടപെടണം: കുവൈത്ത്
Byadmin
Oct 14, 2023