പാലക്കാട് 17കാരനെ പൊലീസ് മർദിച്ച സംഭവം; മർദ്ദിച്ചിട്ടില്ല, ലഹരി ഉപയോഗിച്ചിട്ടുണ്ടോ എന്ന പരിശോധന മാത്രമാണ് എസ്ഐ നടത്തിയതെന്ന് ഡിവൈഎസ്പി

പാലക്കാട്: നെന്മാറയിൽ 17കാരനെ പോലീസ് ഉദ്യോഗസ്ഥൻ മർദ്ദിച്ചിട്ടില്ലെന്ന് ആലത്തൂർ ഡിവൈഎസ്പി. 
ലഹരി ഉപയോഗിച്ചിട്ടുണ്ടോ എന്ന പരിശോധന മാത്രമാണ് എസ്ഐ നടത്തിയതെന്നും ഡിവൈഎസ്പി പറഞ്ഞു. വിശദമായ അന്വേഷണ റിപ്പോർട്ട് ഡിവൈഎസ്പി ഇന്ന് പാലക്കാട് ജില്ലാ പൊലീസ് മേധാവിക്ക് കൈമാറിയേക്കും.
മകനെ മർദിച്ചവർക്കെതിരെ നടപടി സ്വീകരിക്കണമെന്ന് ആവശ്യപ്പെട്ട് ഇന്ന് പരാതി സമർപ്പിക്കും എന്ന് വിദ്യാർത്ഥിയുടെ മാതാപിതാക്കൾ അറിയിച്ചു.