തിരുവനന്തപുരം: അമിതവേഗതയിലെത്തിയ കാര്‍ റോഡരികില്‍ നിര്‍ത്തിയിട്ടിരുന്ന ഓട്ടോറിക്ഷയില്‍ ഇടിച്ച് ഓട്ടോ ഡ്രൈവര്‍ മരിച്ചു. പൂവച്ചൽ ഉണ്ടപ്പാറ തെക്കുംകര ബിസ്മി മൻസിലിൽ റഫീഖാണ് (55) മരിച്ചത്.
പൂവച്ചൽ ഇന്ത്യൻ ഓവർസീസ് ബാങ്കിന് സമീപം വെള്ളിയാഴ്ച വൈകീട്ട് 3.30- ഓടെയായിരുന്നു അപകടം. നെടുമങ്ങാട് ഭാഗത്തുനിന്നും തെറ്റായ ദിശയിലൂടെ ഓടിച്ചുവന്ന കാറാണ് ഓട്ടോയിലിടിച്ചത്.
അപകടത്തിന് ശേഷം ഓടി രക്ഷപ്പെടാൻ ശ്രമിച്ച കാര്‍ യാത്രികരായ രണ്ട് പേരെ നാട്ടുകാർ പിടികൂടി കാട്ടാക്കട പൊലീസിന് കൈമാറി. ഇരുവരും മദ്യപിച്ചിരുന്നതായി പൊലീസ് പറഞ്ഞു. കാറിൽ നിന്നും മദ്യക്കുപ്പികളും കണ്ടെടുത്തു.
മദ്യപിച്ചു കാറോടിച്ചു, റോഡരികില്‍ നിര്‍ത്തിയിട്ടിരുന്ന ഓട്ടോറിക്ഷയില്‍ ഇടിച്ചു, ഓട്ടോ ഡ്രൈവര്‍ക്ക് ദാരുണാന്ത്യം
Byadmin
Aug 23, 2024