‘ഇത്തവണ ഓണം ആഘോഷിക്കാൻ കഴിയുന്ന സാഹചര്യത്തിലല്ല നമ്മൾ’; വയനാട് ദുരന്തം വലിയ ആഘാതമുണ്ടാക്കിയെന്ന് മുഖ്യമന്ത്രി

തിരുവനന്തപുരം: വയനാട് ദുരന്തം വലിയ ആഘാതമുണ്ടാക്കിയെന്ന് മുഖ്യമന്ത്രി പിണറായി വിജയൻ. അത് വേഗത്തിൽ വീണ്ടെടുക്കാൻ കഴിയുന്നതല്ല. ഇത്തവണ ഓണം ആഘോഷിക്കാൻ കഴിയുന്ന സാഹചര്യത്തിലല്ല നാം.
കാലാവസ്ഥാ വ്യതിയാനത്തിന്റെ ഭാഗമായാണ് വയനാട് ദുരന്തമുണ്ടായത്. കാലാവസ്ഥാ വ്യതിയാനത്തെ മറികടക്കാൻ കഴിയണം. കാർഷിക രംഗത്തും കാലാവസ്ഥാ വ്യതിയാനം പ്രതികൂലമായി ബാധിക്കുന്നുവെന്നും മുഖ്യമന്ത്രി പറഞ്ഞു.