‘മ​തി​ലു​ക​ൾ​ക്ക​പ്പു​റം’; ത​ട​വു​കാ​ർ​ക്ക് അ​വ​രു​ടെ ചി​ന്ത​ക​ളും അ​നു​ഭ​വ​ങ്ങ​ളും പ​ങ്കു​വെ​ക്കാ​ൻ വേ​ദിയൊരുങ്ങുന്നു; ജീവിതാനുഭവങ്ങളും തടവറയും പകര്‍ന്നു നല്‍കിയ സ്വാതന്ത്രത്തിന്റെ പാഠങ്ങളുമായി സെൻട്രൽ ജയിലിലെ തടവുകാർ സ്വാതന്ത്ര്യദിനത്തിൽ റേഡിയോ ജോക്കിമാരാരായി എത്തുന്നു

തൃ​ശൂ​ർ: ഈ സ്വാതന്ത്ര്യദിനത്തിൽ തടവുകാർ ആർജെമാരാകും. ജീവിതാനുഭവങ്ങളും തടവറയും പകര്‍ന്നു നല്‍കിയ സ്വാതന്ത്രത്തിന്റെ പാഠങ്ങളുമായാണ് വിയ്യൂര്‍ സെന്‍ട്രല്‍ ജയിലിലെ തടവുകാര്‍ എത്തുന്നത്. തടവുകാരായ ഷാനു ഹമീദ്, റിജോ, ബാബു, ജോജി എന്നീ തടവുകാരാണ് സ്വാ​ത​ന്ത്ര്യ​ദി​ന​മാ​യ ഇ​ന്ന്  ആര്‍ജെമാരായി എത്തുന്നത്.
 വി​യ്യൂ​ർ സെ​ൻ​ട്ര​ൽ ജ​യി​ൽ ആ​ൻ​ഡ് ക​റ​ക്ഷ​ൻ ഹോ​മും റേ​ഡി​യോ മി​ർ​ച്ചി​യും ചേ​ർ​ന്നാ​ണ് ഇ​തി​ന് സം​വി​ധാ​ന​മൊ​രു​ക്കു​ന്ന​ത്. ഇ​ന്ന് രാ​വി​ലെ ഏ​ഴു മു​ത​ൽ വൈ​കീ​ട്ട് ഏ​ഴു വ​രെ​യാ​ണ് ത​ട​വു​കാ​ർ റേ​ഡി​യോ ജോ​ക്കി​മാ​രാ​കു​ക. ‘മ​തി​ലു​ക​ൾ​ക്ക​പ്പു​റം’ എന്നാണ് പരിപാടിക്ക് പേരിട്ടിരിക്കുന്നത്.
ത​ട​വു​കാ​ർ​ക്ക് അ​വ​രു​ടെ ചി​ന്ത​ക​ളും അ​നു​ഭ​വ​ങ്ങ​ളും പ​ങ്കു​വെ​ക്കാ​ൻ വേ​ദി​യൊ​രു​ക്കാ​ൻ ല​ക്ഷ്യ​മി​ട്ടു​ള്ള കേ​ര​ള ജ​യി​ൽ ആ​ൻ​ഡ് ക​റ​ക്ഷ​ണ​ൽ സ​ർ​വി​സ​സ് വ​കു​പ്പി​ന്റെ നൂ​ത​ന സം​രം​ഭ​മാ​ണ് ‘മ​തി​ലു​ക​ൾ​ക്ക​പ്പു​റം’. റേ​ഡി​യോ​യി​ൽ ശ്രോ​താ​ക്ക​ൾ​ക്ക് ഇ​ഷ്ട​പ്പെ​ട്ട ഗാ​ന​ങ്ങ​ൾ ​പ്ലേ ​ചെ​യ്യു​ക​യും അ​നു​ഭ​വ​ങ്ങ​ൾ പ​ങ്കു​വെ​ക്കു​ക​യും ചെ​യ്യും.