തൊടുപുഴ: പ്ലേ സ്റ്റോറില്‍ നിന്നു പ്രമുഖ ഷെയര്‍ ബിസിനസ് ആപ്പിന്റെ വ്യാജ പതിപ്പ് ഡൗണ്‍ലോഡ് ചെയ്യിച്ചു പണം നിക്ഷേപിപ്പിച്ച് ഒന്നേകാല്‍ കോടി തട്ടിയെടുത്തതായി പരാതി. 17 വര്‍ഷത്തെ പ്രവാസ ജീവിതത്തിനു ശേഷം നാട്ടില്‍ തിരികെയെത്തി ഷെയര്‍ ബിസിനസ് നടത്തുന്ന കാഞ്ഞിരമറ്റം സ്വദേശിയായ അന്‍പത്താറുകാരനാണ് കബളിപ്പിക്കപ്പെട്ടത്.
ഓഹരി ഇടപാടില്‍ നിന്നു ലഭിക്കുന്ന ലാഭത്തിന്റെ 20% ജീവകാരുണ്യ പ്രവര്‍ത്തനത്തിനായി നല്‍കണമെന്ന് അറിയിച്ചാണ് ബിസിനസ് തുടങ്ങിയത്. തുടര്‍ന്നു തുടക്കത്തില്‍ നിക്ഷേപത്തിനനുസരിച്ച് ലാഭമെത്തി. ലാഭം കിട്ടിയ പണം പിന്‍വലിക്കാനൊരുങ്ങിയപ്പോഴാണ് തട്ടിപ്പാണെന്നു തിരിച്ചറിയുന്നത്. തട്ടിപ്പുകാരെ പിന്നീട് ബന്ധപ്പെടാനും കഴിയുന്നില്ല. തട്ടിപ്പ് സംബന്ധിച്ച് സൈബര്‍ പോലീസ് അന്വേഷണം ആരംഭിച്ചു.
പ്രമുഖ ഷെയര്‍ ബിസിനസ് ആപ്പിന്റെ വ്യാജ പതിപ്പ് ഡൗണ്‍ലോഡ് ചെയ്യിച്ച് പണം നിക്ഷേപിപ്പിച്ച് തട്ടിപ്പ്; തൊടുപുഴ കാഞ്ഞിരമറ്റം സ്വദേശിക്ക് നഷ്ടപ്പെട്ടത് ഒന്നേകാല്‍ കോടി
Byadmin
Aug 15, 2024