ഒമാനില്‍ വാഹനങ്ങള്‍ കൂട്ടിയിടിച്ച് അപകടം; ഒരാള്‍ മരിച്ചു
മസ്കറ്റ്: ഒമാനിലെ ദോഫാര്‍ ഗവര്‍ണറേറ്റില്‍ വാഹനാപകടം. ഒരാള്‍ മരിച്ചു. ദോഫാര്‍ ഗവര്‍ണറേറ്റില്‍ താമൃതിനെ സലാലയുമായി ബന്ധിപ്പിക്കുന്ന റൂട്ടിലാണ് രണ്ട് വാഹനങ്ങള്‍ തമ്മില്‍ കൂട്ടിയിടിച്ചത്.
അപകടത്തില്‍ യുഎഇ പൗരനായ മുഹമ്മദ് അല്‍ ദറായി എന്ന യുവാവാണ് മരിച്ചത്. സംഭവത്തില്‍ റോയൽ ഒമാൻ പൊലീസ് നടപടിക്രമങ്ങൾ പൂർത്തിയാക്കി. സുൽത്താനേറ്റിലെ യുഎഇ എംബസി, മുഹമ്മദ് അൽ ദറായിയുടെ മൃതദേഹം സലാലയിലെ സുൽത്താൻ ഖാബൂസ് ആശുപത്രിയിൽ നിന്ന് വിമാനമാർഗം ദുബൈയിലേയ്ക്ക് കൊണ്ടുവന്നു.