സ്വപ്ന മണ്ണിലേക്ക് വീണ്ടും മെസിയും സംഘവും; നവംബർ വരെ കാത്തിരിക്കണം, റിപ്പോർട്ട് ചെയ്ത് സ്പാനിഷ് മാധ്യമങ്ങൾ

ദോഹ: അർജന്‍റീന ലോ​ക​കിരീടം ചൂടിയ ഖ​ത്ത​റി​ന്‍റെ മ​ണ്ണി​ൽ വീണ്ടും പ​ന്തു ത​ട്ടാ​നാ​യി ല​യ​ണ​ൽ മെ​സി​യും സം​ഘ​വും എത്തുമെന്ന് റിപ്പോർട്ട് ചെയ്ത് സ്പാനിഷ് മാധ്യമങ്ങൾ. ലോ​ക​ക​പ്പ് യോ​ഗ്യ​താ റൗ​ണ്ട് മ​ത്സ​ര​ങ്ങ​ൾ പൂ​ർ​ത്തി​യാ​യ​തി​ന് പിന്നാ​ലെ ആ​ഫ്രി​ക്ക, ഏ​ഷ്യ​ൻ വ​ൻ​ക​ര​ക​ളി​ൽ സൗ​ഹൃ​ദ മ​ത്സ​ര​ങ്ങ​ൾ ക​ളി​ക്കാ​നെ​ത്തു​ന്ന ല​യ​ണ​ൽ മെ​സി​യും സം​ഘ​വും ന​വം​ബ​റി​ൽ ഖ​ത്ത​റി​ൽ ക​ളി​ക്കു​മെ​ന്നാ​ണ് വാ​ർ​ത്ത​ക​ൾ. 

2026 ഫി​ഫ ലോ​ക​ക​പ്പി​ലേ​ക്ക് യോ​ഗ്യ​ത ഉ​റ​പ്പി​ച്ചു ക​ഴി​ഞ്ഞ അ​ർ​ജ​ന്‍റീനയുടെ ഈ ​വ​ർ​ഷാ​വ​സാ​ന​ത്തെ സൗ​ഹൃ​ദ മത്സരങ്ങളുടെ ഷെ​ഡ്യൂ​ളി​ൽ ഖ​ത്ത​റും ഉ​ണ്ടെ​ന്നാ​ണ് അ​ർ​ജന്‍റീന​യി​ലെ​യും തെ​ക്ക​ൻമേ​രി​ക്ക​യി​ലെ​യും മാ​ധ്യ​മ​ങ്ങ​ൾ റിപ്പോർട്ട് ചെയ്യുന്നത്. ഇ​തു​സം​ബ​ന്ധി​ച്ച് ഔ​ദ്യോ​ഗി​ക പ്ര​ഖ്യാ​പ​ന​ങ്ങ​ൾ ഇ​തു​വ​രെ പു​റ​ത്തു​വ​ന്നി​ല്ലെ​ങ്കി​ലും ടീ​മു​മാ​യി ബ​ന്ധ​പ്പെ​ട്ട പ്ര​മു​ഖ മാ​ധ്യ​മ​പ്ര​വ​ർ​ത്ത​ക​രും വി​വി​ധ സ്പാ​നി​ഷ് മാ​ധ്യ​മ​ങ്ങ​ളും ഇക്കാര്യം റി​പ്പോ​ർ​ട്ട് ചെ​യ്യു​ന്നുണ്ട്. 

ന​വം​ബ​റി​ൽ അം​ഗോ​ള​യി​ലും ഖ​ത്ത​റി​ലു​മാ​യി അ​ർ​ജന്‍റീന ര​ണ്ട് സൗ​ഹൃ​ദ മ​ത്സ​ര​ങ്ങ​ൾ ക​ളി​ക്കു​മെ​ന്ന് ടീ​മു​മാ​യി അ​ടു​ത്ത ബ​ന്ധ​മു​ള്ള മാ​ധ്യ​മ​പ്ര​വ​ർ​ത്ത​ക​ൻ ഗാ​സ്റ്റ​ൻ എ​ഡു​ൽ ‘എ​ക്സ്’ പ്ലാ​റ്റ്ഫോ​മി​ൽ കു​റി​ച്ചു. അം​ഗോ​ള​യു​ടെ 50-ാം സ്വാ​ത​ന്ത്ര്യ​ദി​നാ​ഘോ​ഷ​ത്തി​ന്റെ ഭാ​ഗ​മാ​യാ​ണ് ന​വം​ബ​റി​ൽ ടീം ​അ​വി​ടെ സൗ​ഹൃ​ദ മ​ത്സ​ര​ത്തി​നി​റ​ങ്ങു​ന്ന​ത്. ന​വം​ബ​റി​ൽ​ ത​ന്നെ ഖ​ത്ത​റി​ലും ക​ളി​ക്കാനുള്ള സാ​ധ്യ​ത കൂ​ടു​ത​ലാ​ണെ​ന്നും ഒ​ക്ടോ​ബ​റി​ൽ ചൈ​ന​യി​ൽ ര​ണ്ട് സൗ​ഹൃ​ദ മ​ത്സ​ര​ങ്ങ​ൾ സം​ബ​ന്ധി​ച്ച ച​ർ​ച്ചയും സ​ജീ​വ​മാ​ണെ​ന്നും എ​ഡു​ൽ റി​പ്പോ​ർ​ട്ട് ചെ​യ്യു​ന്നു. 

ഈ ​വ​ർ​ഷം സെ​പ്റ്റം​ബ​റോ​ടെ തെ​ക്ക​ന​മേ​രി​ക്ക​ൻ ലോകകപ്പ് യോ​ഗ്യ​താ മ​ത്സ​ര​ങ്ങ​ൾ അ​വ​സാ​നി​ക്കും. തു​ട​ർ​ന്ന് ലോ​ക​ക​പ്പ് ത​യ്യാ​റെ​ടു​പ്പ് എ​ന്ന നി​ല​യി​ലാ​ണ് ദേ​ശീ​യ ടീം ​സൗ​ഹൃ​ദ മ​ത്സ​ര​ങ്ങ​ൾ​ക്ക് പു​റ​പ്പെ​ടു​ന്ന​ത്. ഏ​താ​നും ആ​ഴ്ച​ക​ൾ​ക്കു​ള്ളി​ൽ ഔ​ദ്യോ​ഗി​ക പ്ര​ഖ്യാ​പ​ന​മു​ണ്ടാ​വു​മെ​ന്നാണ് സൂ​ച​ന.