ഒറ്റ ചാർജ്ജിൽ വൻ റേഞ്ചുമായി പുതിയ എംജി വിൻഡ്‍സർ, അറിയേണ്ടതെല്ലാം

ദീർഘദൂര റേഞ്ച് വാഗ്ദാനം ചെയ്യുന്ന വലിയ ബാറ്ററി പായ്ക്കോടുകൂടിയ അപ്‌ഡേറ്റ് ചെയ്ത വിൻഡ്‌സർ ഇവിയെ പുറത്തിറക്കാൻ ജെഎസ്ഡബ്ല്യു എംജി മോട്ടോർ ഇന്ത്യ ഒരുങ്ങിയിരിക്കുന്നു. ഔദ്യോഗിക ലോഞ്ച് തീയതി ഇതുവരെ പ്രഖ്യാപിച്ചിട്ടില്ലെങ്കിലും, 2025 മെയ് ആദ്യ ആഴ്ചകളിൽ ഷോറൂമുകളിൽ എത്തുമെന്ന് പ്രതീക്ഷിക്കുന്നു. 2025 എംജി വിൻഡ്‌സർ ഇവിയുടെ ലോംഗ്-റേഗ്നെ പതിപ്പ് ടാറ്റ നെക്‌സോൺ ഇവി മാക്‌സ്, മഹീന്ദ്ര എക്സ്‌യുവി 400 ഇവിയിൽ നിന്ന് വെല്ലുവിളി നേരിടും. ലോഞ്ച് ചെയ്യുന്നതിന് മുമ്പ്, അപ്‌ഡേറ്റ് ചെയ്ത വിൻഡ്‌സർ ഇവിയുടെ ചില കാര്യങ്ങൾ അറിയാം.

ഇന്തോനേഷ്യ-സ്പെക്ക് വുലിംഗ് ക്ലൗഡ് ഇവിയിൽ നിന്ന് കടമെടുത്ത 50.6kWh ബാറ്ററി പായ്ക്കാണ് പുതിയ MG വിൻഡ്‌സർ ഇവിയിൽ വാഗ്ദാനം ചെയ്യുന്നത്. ഒരു ഇലക്ട്രിക് മോട്ടോറുമായി ജോടിയാക്കിയ ഈ ബാറ്ററി പായ്ക്ക് പരമാവധി 136PS പവറും 200Nm ടോർക്കും വാഗ്ദാനം ചെയ്യുന്നു. ഒറ്റ ചാർജിൽ 460 കിലോമീറ്റർ ക്ലെയിം ചെയ്ത (CLTC – ചൈന ലൈറ്റ്-ഡ്യൂട്ടി വെഹിക്കിൾ ടെസ്റ്റ് സൈക്കിൾ) റേഞ്ച് ഇത് നൽകുന്നു.

2025 എംജി വിൻഡ്‌സർ ഇവിയുടെ ലോംഗ്-റേഞ്ച് പതിപ്പ് അതിന്റെ ചെറിയ ബാറ്ററി വേരിയന്റിനേക്കാൾ കൂടുതൽ സവിശേഷതകൾ ഓൺ-ബോർഡിൽ വാഗ്ദാനം ചെയ്തേക്കാം. ആഗോളതലത്തിൽ വിൽക്കപ്പെടുന്ന വുളിംഗ് ക്ലൗഡ് ഇവിയിൽ നാല്-വഴി പവർ ക്രമീകരിക്കാവുന്ന കോ-ഡ്രൈവർ സീറ്റ് ഉണ്ട്, ഇത് ഇന്ത്യൻ-സ്പെക്ക് വിൻഡ്‌സറിൽ വാഗ്ദാനം ചെയ്യാം. ഫിക്സഡ് ഗ്ലാസ് റൂഫ്, 15.6 ഇഞ്ച് ടച്ച്‌സ്‌ക്രീൻ, 8.8 ഇഞ്ച് ഡിജിറ്റൽ ഡ്രൈവർ ഡിസ്‌പ്ലേ, റിയർ വെന്റുകളുള്ള ഓട്ടോ എസി, വയർലെസ് ഫോൺ ചാർജർ, 9-സെപ്പക്കർ ഇൻഫിനിറ്റി സൗണ്ട് സിസ്റ്റം, 256-കളർ ആംബിയന്റ് ലൈറ്റിംഗ് തുടങ്ങി മിക്ക സവിശേഷതകളും നിലവിലെ മോഡലിൽ നിന്ന് മുന്നോട്ട് കൊണ്ടുപോകും.

പുതിയ വിൻഡ്‌സർ ഇവിയിൽ അഡ്വാൻസ്‍ഡ് ഡ്രൈവർ അസിസ്റ്റൻസ് സിസ്റ്റം സാങ്കേതികവിദ്യയും ഉൾപ്പെടുത്തിയേക്കാം. ലെയ്ൻ കീപ്പ് അസിസ്റ്റ്, അഡാപ്റ്റീവ് ക്രൂയിസ് കൺട്രോൾ തുടങ്ങിയ സുരക്ഷാ സവിശേഷതകളിലേക്ക് ADAS സ്യൂട്ട് പ്രവേശനം നൽകും. ആറ് എയർബാഗുകൾ (സ്റ്റാൻഡേർഡായി), ടയർ പ്രഷർ മോണിറ്ററിംഗ് സിസ്റ്റം, ഫ്രണ്ട്, റിയർ പാർക്കിംഗ് സെൻസറുകൾ, ഒരു ഇലക്ട്രോണിക് പാർക്കിംഗ് ബ്രേക്ക്, മറ്റ് നിരവധി സുരക്ഷാ സവിശേഷതകൾ എന്നിവ ഇതിൽ തുടർന്നും ലഭ്യമാകും.  

2025 എംജി വിൻഡ്‌സർ ഇവിയുടെ ലോംഗ്-റേഞ്ച് മോഡലിന് അതിന്റെ ചെറിയ ബാറ്ററി പായ്ക്ക് പതിപ്പിനേക്കാൾ അല്പം വില കൂടുതലായിരിക്കും. നിലവിൽ ഇത് 14 ലക്ഷം രൂപ മുതൽ 16 ലക്ഷം രൂപ വരെ എക്സ്-ഷോറൂം വില പരിധിയിൽ ലഭ്യമാണ്. വലിയ ബാറ്ററി പായ്ക്ക് ഉയർന്ന ട്രിമ്മുകൾക്കായി മാറ്റിവയ്ക്കാൻ സാധ്യതയുണ്ട്. ഇതിന് 16 ലക്ഷം രൂപയിൽ നിന്ന് ആരംഭിച്ച് 19-19.50 ലക്ഷം രൂപ വരെ എക്സ്-ഷോറൂം വില പ്രതീക്ഷിക്കുന്നു.