ഉത്തരവാദിത്തം കാട്ടേണ്ട സമയത്ത് പ്രധാനമന്ത്രി മുങ്ങി, തലയില്ലാത്ത ചിത്രവുമായി കോണ്‍ഗ്രസിന്‍റെ പരിഹാസം
ദില്ലി: പഹല്‍ഗാം ഭീകരാക്രമണത്തെച്ചൊല്ലി സമൂഹമാധ്യമത്തില്‍ ബിജെപി-കോണ്‍ഗ്രസ് പോര് .ഉത്തരവാദിത്തം കാട്ടേണ്ട സമയത്ത് പ്രധാനമന്ത്രിയെ കാണുന്നില്ലെന്നാണ് കോണ്‍ഗ്രസിന്‍റെ വിമർശനം. തലയില്ലാത്ത നേതാവിന്‍റെ ചിത്രം ഉന്നമിടുന്നത് പ്രധാനമന്ത്രിയെ തന്നെയെന്ന് വ്യക്തമാണ്.
‘जिम्मेदारी’ के समय – Gayab pic.twitter.com/gXFublGkGn
— Congress (@INCIndia) April 28, 2025
കോൺഗ്രസിന് മറുപടിയുമായി ബിജെപിയും രംഗത്തെത്തി. പാകിസ്ഥാന്‍റെ പിആർ ഏജൻറുമാരാണ് കോണ്‍ഗ്രസെന്നാണ് ബിജെപിയുടെ പ്രചാരണം.
कांग्रेस का हाथ, पाकिस्तान के साथ 🤝 pic.twitter.com/8BBDkiZqDe
— BJP (@BJP4India) April 28, 2025
പഹൽഗാമിൽ ആക്രമണത്തിന് ദിവസങ്ങൾക്കു മുമ്പ് തന്നെ ഭീകരർ എത്തിയെന്ന് സംശയം.മലയാളിയായ ശ്രീജിത്ത് രമേശൻ പകർത്തിയ വീഡിയോയിൽ ഭീകരരുടേതെന്ന് സംശയിക്കുന്ന ദൃശ്യങ്ങളും ഉണ്ട്.ഏപ്രിൽ 18ന് കശ്മീരിൽ നിന്ന് പകർത്തിയതാണ് ദൃശ്യങ്ങൾ. ശ്രീജിത്ത് NIAയ്ക്ക് മൊഴി നൽകി.ദൃശ്യങ്ങളും എൻഐഎ ശേഖരിച്ചു.