120 അടി ഉയരത്തിൽ ഇരിക്കാം, ബീച്ച് കണ്ട് ഭക്ഷണം കഴിക്കാം; കേരളത്തിലെ സ്കൈ ഡൈനിംഗ് വൈറലാകുന്നു
കാസർഗോഡ്: ബേക്കലിൽ ആരംഭിച്ച സ്കൈ ഡൈനിംഗ് വൈറലാകുന്നു. പൊതു – സ്വകാര്യ പങ്കാളിത്തത്തോടെ സംസ്ഥാനത്ത് ആദ്യമായി കാസർഗോഡ് ജില്ലയിലെ ബേക്കലിൽ ആരംഭിച്ച സ്കൈ ഡൈനിംഗ് ഇതിനകം തന്നെ ശ്രദ്ധേയമായിരിക്കുകയാണ്. ബേക്കൽ ബീച്ച് പാർക്കിൽ 120 അടി ഉയരത്തിൽ ഇരുന്ന് ഭക്ഷണം കഴിച്ചു കൊണ്ട് കടലിന്റെയും ബേക്കൽ കോട്ടയുടെയും സൗന്ദര്യം ആസ്വദിക്കാം എന്നതാണ് സ്കൈ ഡൈനിംഗിൻ്റെ പ്രത്യേകത. ഭക്ഷണവും സാഹസികതയും ഒത്തുചേരുന്ന പുതിയൊരു അനുഭവമാണ് സ്കൈ ഡൈനിംഗ് സമ്മാനിക്കുക.
ക്രെയിൻ ഉപയോഗിച്ച് 120 അടി ഉയരത്തിൽ ഒരുക്കിയിരിക്കുന്ന ഒരു സവിശേഷ ഡൈനിംഗ് അനുഭവമാണ് ബേക്കലിലെ സ്കൈ ഡൈനിംഗ്. സുഹൃത്തുക്കൾക്കും പ്രിയപ്പെട്ടവർക്കും ഒപ്പം മനോഹരമായ കാഴ്ചകൾ കണ്ട് രുചികരമായ ഭക്ഷണം കഴിച്ച് അവിസ്മരണീയമായ ഒരു ഡൈനിംഗ് അനുഭവം ആഗ്രഹിക്കുന്ന ഏതൊരാളും തീർച്ചയായും സന്ദർശിക്കേണ്ട സ്ഥലമാണ് ബേക്കൽ ബീച്ചിലെ സ്കൈ ഡൈനിംഗ് റെസ്റ്റോറന്റ്.
16 സീറ്റുകളുള്ള സ്കൈ ഡൈനിംഗാണ് ബേക്കലിൽ ഒരുക്കിയിരിക്കുന്നത്. പ്ലാറ്റ്ഫോമിന്‍റെ നടുവിലായി സെര്‍വിംഗ് പോയിന്റുണ്ട്. ഇവിടെയുള്ള ജീവനക്കാരാണ് ഭക്ഷണം വിളമ്പുകയും സുരക്ഷാ ചുമതലകൾക്ക് മേൽനോട്ടം നൽകുകയും ചെയ്യുന്നത്. നാല് ജീവക്കാരാണ് സ്കൈ ഡൈനിംഗിലുണ്ടാകുക. ചിത്രങ്ങളും വീഡിയോകളും പകര്‍ത്താനും ഇവര്‍ സഹായിക്കും.
REAF MORE: 25,000 രൂപയുണ്ടോ? ഉലകും ചുറ്റും വാലിബനാകാം! 5 ബജറ്റ് ഫ്രണ്ട്ലി വിദേശ യാത്രകൾ ഇതാ