നിലവില്‍ ബോക്സ് ഓഫീക് കളക്ഷൻ കണക്കുകളാണ് സിനിമയുടെ വിജയത്തിന്റെ അളവുകോലായി പരിഗണിക്കുന്നത്. ഇന്ത്യയില്‍ നിന്നുള്ള വിവിധ ഭാഷാ സിനിമകള്‍ ആഗോള ബോക്സ് ഓഫീസില്‍ നിര്‍ണായക സ്വാധീനമാണുണ്ടാക്കുന്ന‍ുണ്ട്. ആദ്യ പത്ത് സ്ഥാനങ്ങള്‍ പരിശോധിക്കുമ്പോള്‍ കളക്ഷനില്‍ ഇന്ത്യയില്‍ മുന്നില്‍ എത്തി റെക്കോര്‍ഡിട്ട നടൻ ആരാണ് എന്ന് മനസിലാക്കുന്നത് കൗതുകരമായിരിക്കും. ഷാരൂഖും പ്രഭാസും വിജയ്‍യുമൊക്കെ നിറഞ്ഞുനില്‍ക്കുന്ന ഇന്ത്യൻ കളക്ഷൻ റെക്കോര്‍ഡില്‍ മുന്നില്‍ ആമിര്‍ ഖാൻ ആണ് എന്നത് രസകരമായ ഒരു വസ്‍തുതയാണ്.
കളക്ഷനില്‍ ആഗോളതലത്തില്‍ ഒന്നാമത് എത്തിയ ഇന്ത്യൻ സിനിമ ആമിര്‍ ഖാൻ നായകനായ ദംഗലാണ്. 2016ല്‍ പുറത്തിറങ്ങിയ ആമിര്‍ ഖാൻ ചിത്രം 2017ല്‍ ചൈനയിലടക്കം റീലീസ് ചെയ്‍താണ് ഇത്തരം ഒരു നേട്ടത്തിലെത്തിയത്. ദംഗല്‍ ആഗോളതലത്തില്‍ ആകെ 2023.81 കോടി രൂപയാണ് നേടിയ്‍ത്. ഇന്ത്യയില്‍ നിന്നുള്ളവയില്‍ 2000 കോടി ആദ്യമായി നേടി എന്ന റെക്കോര്‍ഡും ആമിര്‍ ഖാന്റെ ദംഗലിനാണ്.
ആദ്യ പത്തില്‍ ആമിറിന്റെ രണ്ട് സിനിമകളാണ് ഉള്ളത്. ആമിര്‍ ഖാന്റെ സീക്രട്ട് സൂപ്പര്‍സ്റ്റാറിന് കളക്ഷനില്‍ സ്ഥാനം പത്താമതാണ്. ചിത്രം ആഗോളതലത്തില്‍ ആകെ 905.7 കോടി രൂപയാണ് നേടിയത്. ആമിറിന്റെ പികെയാണ് പതിനഞ്ചാം സ്ഥാനത്തുമാണ്. പികെ ആഗോളതലത്തില്‍ ആകെ 769.89 കോടി രൂപയാണ് നേടിയത്.
ബാഹുബലി രണ്ട് ആകെ 1810.595 കോടി രൂപ നേടി ആഗോള ബോക്സ് ഓഫീസില്‍ ഇന്ത്യയില്‍ നിന്ന് രണ്ടാം സ്ഥാനത്തുണ്ട്. പുഷ്‍പ രണ്ട് 1962 കോടിയുമാണ് കളക്ഷനില്‍ മൂന്നാമതും തെലുങ്കില്‍ നിന്ന് തന്നെ ഉള്ള ആര്‍ആര്‍ആര്‍ 1387.26 കോടി രൂപയുമായി നാലാം സ്ഥാനത്തും എത്തിയപ്പോള്‍ കന്നഡയില്‍ നിന്നുള്ള കെജിഎഫ് രണ്ട് 1250 കോടിയുമായി തൊട്ടുപിന്നിലുമുണ്ട്. ആറാം സ്ഥാനത്ത് കല്‍ക്കി 1027 കോടിയുമായി ഇടം നേടിയിരിക്കുന്നു. ഏഴാമത് ഷാരൂഖിന്റെ ജവാൻ 1148.32 കോടി രൂപയുമായി എത്തിയപ്പോള്‍ എട്ടാമത് പത്താൻ 1050.30 കോടിയുമായും പിന്നാലെ ബജ്രംഗി ഭായ്‍ജാൻ 969 കോടിയുമായും എത്തിനില്‍ക്കുന്നു.
Read More: പരാജയം സ്റ്റാര്‍ ടാഗ് തൂത്തെറിയുമോ അക്ഷയ് കുമാര്‍?, കേസരി ഓപ്പണിംഗില്‍ നേടിയത്