ഭക്ഷണം‘ഹെവി’ആയോ? എങ്കില്‍ പെട്ടെന്ന് ദഹിക്കാന്‍ ഇവ കഴിക്കൂ
അനാരോഗ്യകരമായ ഭക്ഷണ ശീലങ്ങൾ മുതൽ നിങ്ങള്‍ ഭക്ഷണം കഴിക്കുന്ന സമയം വരെ ദഹനത്തെ ബാധിക്കുന്ന ഘടകങ്ങളാണ്.
ദഹനക്കേടിനെ തടയാനും കുടലിന്‍റെ ആരോഗ്യത്തിനായും ഭക്ഷണ കാര്യത്തില്‍ പ്രത്യേകം ശ്രദ്ധ വേണം. അത്തരത്തില്‍ ദഹനം മെച്ചപ്പെടുത്താനും കുടലിന്‍റെ ആരോഗ്യത്തിനായും കഴിക്കേണ്ട ചില ഭക്ഷണങ്ങളെ പരിചയപ്പെടാം.
വയറു നിറച്ച് ഭക്ഷണം കഴിച്ചോ? എങ്കില്‍ പെട്ടെന്ന് ദഹിക്കാന്‍ ഇവ കഴിക്കൂ.
ഇഞ്ചിയിൽ അടങ്ങിയിരിക്കുന്ന ജിഞ്ചറോൾ, ഷോഗോൾ തുടങ്ങിയവ ദഹനം മെച്ചപ്പെടുത്താനും കുടലിന്‍റെ ആരോഗ്യം സംരക്ഷിക്കാനും സഹായിക്കും.
പൈനാപ്പിളിലെ ബ്രോമിലിന്‍ ദഹനം മെച്ചപ്പെടുത്താന്‍ സഹായിക്കും.
പപ്പായയിലെ പപ്പെയ്ന്‍ ദഹനം എളുപ്പമാക്കാന്‍ സഹായിക്കും.
പെരുംജീരകം ഡയറ്റില്‍ ഉള്‍പ്പെടുത്തുന്നതും ദഹന പ്രശ്നങ്ങളായ ഗ്യാസ്, വയറുവേദന എന്നിവ ഒഴിവാക്കാനും സഹായിക്കും.
പ്രോബയോട്ടിക്കിനാല്‍ സമ്പന്നമാണ് തൈര്. അതിനാല്‍ തൈര് കഴിക്കുന്നത് ദഹനം മെച്ചപ്പെടുത്താനും കുടലിന്‍റെ ആരോഗ്യം സംരക്ഷിക്കാനും സഹായിക്കും.
ഫൈബര്‍ അടങ്ങിയ വാഴപ്പഴം പതിവായി കഴിക്കുന്നത് ദഹനം മെച്ചപ്പെടുത്താനും മലബന്ധം തടയാനും സഹായിക്കും.
ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില്‍ മാറ്റം വരുത്തുക.