ബീ​ച്ച് ഗെ​യിം​സ്: മി​ന്നും പ്ര​ക​ട​ന​വു​മാ​യി ഖ​ത്ത​ർ, ആതിഥേയ പതാക ഏറ്റുവാങ്ങി

ദോഹ: ഒ​മാ​നി​ൽ സ​മാ​പി​ച്ച ഗ​ൾ​ഫ് ബീ​ച്ച് ഗെ​യിം​സി​ൽ മൂന്ന് സ്വർണ്ണമുൾപ്പെടെ ഏഴ് മെഡലുകൾ നേടി ഖത്തർ. അവസാന ദിനം ര​ണ്ട് സ്വ​ർ​ണം ഉ​ൾ​പ്പെ​ടെ അ​ഞ്ച് മെ​ഡ​ലു​ക​ളാണ് ഖ​ത്ത​ർ സ്വ​ന്ത​മാ​ക്കിയത്. ബീ​ച്ച് വോ​ളി​യി​ൽ ഒ​ളി​മ്പി​ക്സ് മെ​ഡ​ൽ ജേ​താ​ക്ക​ളാ​യ അ​ഹ്മ​ദ് തി​ജാ​ൻ, ശ​രീ​ഫ് യൂ​നു​സ് സ​ഖ്യം സ്വ​ർ​ണ​മെ​ഡ​ലു​മാ​യി ഖ​ത്ത​റി​ന് അ​ഭി​മാ​ന​മാ​യി. ​

കു​തി​​ര​യോ​ട്ടം പെ​ഗ് മ​ത്സ​ര​ത്തി​ൽ ഖ​ത്ത​ർ മൂ​ന്ന് മെ​ഡ​ലു​ക​ൾ നേ​ടി. റാ​ശി​ദ് ഫ​ഹ​ദ് അ​ൽ ദോ​സ​രി വ്യ​ക്തി​ഗ​ത വി​ഭാ​ഗ​ത്തി​ൽ സ്വ​ർ​ണം നേ​ടി. അ​തി അ​ത്ബ വ്യ​ക്തി​ഗ​ത വി​ഭാ​ഗ​ത്തി​ൽ നേ​ര​ത്തേ സ്വ​ർ​ണം ​സ്വ​ന്ത​മാ​ക്കി​യി​രു​ന്നു. ടീം ​ഇ​ന​ത്തി​ലും ഖ​ത്ത​ർ സം​ഘം വെ​ങ്ക​ലം നേ​ടി. ഇ​തി​നു​പു​റ​മെ അ​ലി അ​ത്ബ വ്യ​ക്തി​ഗ​ത പെ​ഗ് ആ​ൻ​ഡ് റി​ങ് കാ​റ്റ​ഗ​റി​യി​ൽ വെ​ങ്ക​ലലം നേടിയിരുന്നു. പാ​യ്‍വ​ഞ്ചി​യോ​ട്ട​ത്തി​ൽ ഖ​ത്ത​രി കു​ട്ടി​ക​ൾ മ​ത്സ​രി​ച്ച ടീ​മും മെ​ഡ​ൽ പോ​ഡി​യ​ത്തി​ൽ ഫി​നി​ഷ് ചെ​യ്തു. 2022 കു​വൈ​ത്ത് ബീ​ച്ച് ഗെ​യിം​സി​ൽ ഖ​ത്ത​ർ 16 സ്വ​ർ​ണം ഉ​ൾ​പ്പെ​ടെ 52 മെ​ഡ​ലു​ക​ൾ നേ​ടി​യി​രു​ന്നു.

നാ​ലു ദി​വ​സ​ങ്ങ​ളി​ലാ​യി ന​ട​ന്ന ഗെ​യിം​സി​ൽ 18 അം​ഗ സം​ഘ​മാ​ണ് ഖ​ത്ത​റി​നാ​യി മ​ത്സ​രി​ച്ച​ത്. ആ​റ് ഗ​ൾ​ഫ് രാ​ജ്യ​ങ്ങ​ളി​ൽ നി​ന്നാ​യി 300ഓ​ളം കാ​യി​ക താ​ര​ങ്ങ​ൾ മാ​റ്റു​ര​ച്ച ചാ​മ്പ്യ​ൻ​ഷി​പ്പി​ന്റെ സ​മാ​പ​ന ച​ട​ങ്ങി​ൽ, അ​ടു​ത്ത ഗ​ൾ​ഫ് ബീ​ച്ച് ഗെ​യിം​സി​ന് വേ​ദി​യാ​കുന്ന ഖ​ത്ത​ർ ആ​തി​ഥേ​യ​ത്വം ഏ​റ്റു​വാ​ങ്ങി. ഖ​ത്ത​ർ പ്ര​തി​നി​ധി സം​ഘം ഡ​യ​റ​ക്ട​ർ അ​ബ്ദു​ല്ല ഹ​സ​ൻ ഹാ​ഷിം ഒ​മാ​ൻ പ്ര​തി​നി​ധി​ക​ളി​ൽ നി​ന്ന് ഗെ​യിം​സ് പ​താ​ക സ്വീ​ക​രി​ച്ചു. 

read more: കോ ഓപ്പറേറ്റീവ് സൊസൈറ്റികളിൽ തട്ടിപ്പ്; പ്രവാസികൾക്ക് യാത്രാ വിലക്ക് ഏർപ്പെടുത്താൻ കുവൈത്ത്